Sidilo 5:22 - Bhiblia Yo Sawuleka

²² Ina u nga hi lekela magwito kani? U nga hi pandisekelisa tiya ngutu ngu kutxani kani?

Sidilo 5:22 Referans Kwoze

Hoseya 1:6

Se a to tshumela e mana txirumbu e veleka mwanana wa dihorana; se Mkoma a to khene: “Mraye ditina daku i Lo-Ruwama; nguko ani kha ni na mbi tshumela kambe ni pfela wumbilu va nyumba ya ka Israyeli, aniko ni na va tekela sotshe.”

Ezekhiyele 37:11

Sekoko a to khene kwangu: Awe mwanana wa m'thu, marambu awa otshe, i nyumba ya ka Israyeli; wona taku va kha vona: Marambu athu ma omile, ni yona themba yathu yi lovile; athu hi witwe.

Isaya 64:9

Awe Mkoma, u nga henye ngutu, u nga alakanye wubihi wathu kala kupinduka; wona, athu ha kukombela, athu hotshethu hi vathu vako.

Masalmo 44:9

Kambe konkuwa, u hi lekile, u hi thete tingana; se khuswi u txi pangalata mabutho athu a tiyimbi.

Masalmo 53:5

Vona va na dhudhumela ngu kuthava, kambe ku si nga ho mhaka ya kuthava, nguko Txizimu txi na hangalasa marambu a vale va ku randelako. Awe u na va xula, nguko Txizimu txi va tshuralete.

Jeremiya 7:29

Yola misisi ya msungo wako, u txi yi tshotsha kule, indaya peka huwa mimangoni, nguko Mkoma a lambile ni kuleka lihunzu li li nga wusa kuhenya kwakwe.

Jeremiya 14:19

Ina u mlekete magwito Judha kani? Mwendo u ngava u di swirekile mbiluni ngu Siyoni kani? Ngu kutxani u nga hi pekisa ti to hi si sikoti ni kuthumwa kani? Hi ti verete kuthutha, aniko wunene kha wa woneka; Hi verete mbimo yo thumwa, na kuve kuthava kuho!

Masalmo 74:1

Txizimu, ngu kutxani u nga hi tshotsha ka yotshe mbimo kani? Ngu kutxani u hi henyela athu hi ku mtxhambi wa tinvuta ati awe u ku m'dyisi wa tona kani?

Masalmo 79:5

Mkoma, u na hi henyela kala mbimo muni kani? Txiluse txako txi na fana ni mndilo wo tura kani?

Jeremiya 6:30

Vona va na wombwa ku i silivhela yo lekwa, nguko Mkoma a va lekile.

Ezekhiyele 24:13

Amu ka wubihi wako ku ni nduma yo biha, nguko ni ku sawulekisile, aniko awe khwa ti sawulekisa; khu na mbiswa u sawulekiswa ka wubihi wako, ngako ni si leki ku ku henyela.