Sidilo 5:20 - Bhiblia Yo Sawuleka

²⁰ Ngu kutxani u txi zumbela ku hi divala, ni ku hi leka timbimo totshe kani?

Sidilo 5:20 Referans Kwoze

Masalmo 44:24

Ngu kutxani u sisa khohe, u divala kuxaniseka kwathu, ni kukhoziswa kwathu kani?

Masalmo 13:1

Mkoma, u na ni divala kala mbimo muni, kani? Wo ni leka ngu nyahele kani? U na ni sisela khohe yako kala mbimo muni kani?

Masalmo 89:46

Mkoma, kala mbimo muni, u na ti sisa kala kupinduka kani? Txiviti txako txi na tura nga mndilo yotshe mbimo kani?

Masalmo 85:5

Ina txiviti txako txi na simama kala kupinduka kani? U na simama u txi hi henyela ngu ka liveleko ni liveleko kani?

Masalmo 79:5

Mkoma, u na hi henyela kala mbimo muni kani? Txiluse txako txi na fana ni mndilo wo tura kani?

Masalmo 74:1

Txizimu, ngu kutxani u nga hi tshotsha ka yotshe mbimo kani? Ngu kutxani u hi henyela athu hi ku mtxhambi wa tinvuta ati awe u ku m'dyisi wa tona kani?

Isaya 62:6

O Jerusalema! Ni vekile vawoneleli txitimwi ka maguma ako, ava va no mbi malala wusiku ni mitshikari; o anu mi khumbukako Mkoma, mi nga thukeni mi malala,

Masalmo 13:2

Ni na xaniseka ni kupandiseka moyani kwangu ni mbiluni kwangu otshe masiku, kala mbimo muni kani? Mlala wangu a na simama a di txitimwi kwangu kani?

Masalmo 42:10

I mhaka muni ni txi xanisekisa tiya kani? Valala vangu va ni ruketela ditshiku ni ditshiku va ni wotisa va txi kha vona: “Txi hani Txizimu txako kani?”

Isaya 49:14

Aniko Siyoni a khene: “Mkoma se a ni lekile; Mkoma wangu a ni divate.”

Jeremiya 14:9

Ngu kutxani u txi nga u m'thu wo dhukiswa, nga ndena yile yi si sikotiko kuhanyisa kani? Kuve awe waho hagari kwathu, awe Mkoma, hi dhanwa ngu ditina dako; u nga hi leke!