Sidilo 5:2 - Bhiblia Yo Sawuleka

² Thomba yathu yi ningetwe ka vamatiko, miti yathu yi tekilwe ngu vanyamthuyoyo.

Sidilo 5:2 Referans Kwoze

Zefaniya 1:13

Ngu toneto, yi na handwa thomba yawe, ni kuxaselwa tinyumbani kwawe; kambe va na aka tinyumba, aniko kha va na mbi zumba ka tona, va na phaya mivhinya, aniko kha na mbi yi sela vhinya ya kona.

Isaya 1:7

Mafu anu ma mahile txisapa, madhoropa anu ma hisilwe ngu mndilo; vathu vamatiko va mi tekete ditiko, na mi txi ti wona; di mahilwe txiwula ngu vathu vamatiko.

Ezekhiyele 7:24

Se ni na tisa vathu va tshofu ngutu ngu ka mamwani matiko, va nata honyola tinyumba tawe; kambe ni na heta kutiguleta ka vale va mtamo, ni makhalo awe o sawuleka ma na nyenyeziswa.

Ezekhiyele 7:21

Se si na ningelwa manzani ka vamatiko si txi va lumba, ni ka vaonhi va ditiko va txi si handa; kambe va na si nyenyezisa.

Jeremiya 6:12

Nyumba yawe yi na ningelwa vamwani, kumweko ni tithembwe tawe ni vasikati vawe; nguko ni nawuluta dianza dangu txitimwi ka vaaki va ditiko, kuwomba Mkoma.

Isaya 63:18

Ngu mbimonyana ya yidotho dwe, u tekilwe ngu vathu vako vo sawuleka, valala vathu va kandetete wukhalo wako wo sawuleka.

Isaya 5:17

Sekoko sinvutana si nadya kona, kufana ni kuva si txi dya libalani ka sona; ni vawuyi va na dya ka makhalo a vamatiko.

Masalmo 109:11

Vatxenekisi vakwe va na mtekele sotshe si a ku naso, kasi kudiha minandu; vanyamthuvo va na hande asi a nga thuma ngu manza akwe.

Jeremiya 17:4

Ngu mnandu wako wutumbu u na mwalelwa ngu thomba yako ayi ni nga kuninga; ni na kumaha u thumela valala vako, ka ditiko di u si di ziviko. Nguko mi dhivete mndilo wa kuhenya kwangu awu wu no tura kala kupinduka.

Hoseya 8:7

Nguko va phayile mimoya, se va na funyela singulu, kha ku na thembwe; fulaho kha yi na mbi veleka mafaka; kambe ngako yi txi veleka mafaka, ona ma na dyiwa ngu vamatiko.

Hoseya 8:8

Israyeli a khadamutwe; konkuwa, hagari ka matiko a wonekisa ku nga txi maha txi txi si tsakisiko ni wammweyo.