Sidilo 5:14 - Bhiblia Yo Sawuleka

¹⁴ Vahombe kha ve ngadi veya habanza, ni majaha kha me ngadi ma txi embelela.

Sidilo 5:14 Referans Kwoze

Jeremiya 7:34

Madhoropani ka Judha, ni mu magondoni ka Jerusalema, ni na malata dipswi da kuzumbiseka, ni dipswi da litsako, ni dipswi da mteki, ni dipswi da mtekiwa; nguko ditiko di na maha dirumbi.

Ezekhiyele 26:13

Se ni na emisa diguwa da tindando tako, ni dipswi da tiharipa tako kha di na mbi pfala kambe.

Mtuletelo 18:22

Se kuembelela ka vaveti va tiharipa ni vaembeleli ni vaveti va misengele, ni vaveti va mipundu kha va na mbiswa ve pfala didhoropanimo; ni mmweyo wa marindi kha na mbi ngadi e maneka kwako; diguwa da txigayo kha di na mbi ngadi di pfala kwako.

Sidilo 2:10

Sekoko madhota a dihorana da Siyoni ma khalahatshile ha ka mafu, ma txi dwe; me ti theletela lithulu ha misungo ma txi ambala masaka; votuma va Jerusalema va namisile misungo ha mafuni.

Sidilo 1:19

Ni dhani vale va nga ti ni dhunda, aniko va ni kanganyisile; vaphaxeli vangu ni madhota angu va gumile amu didhoropani, mbimo yi va nga ti lava sakudya, so va txi wuseta mitamo yawe.

Sidilo 1:4

Tinzila ta Siyoni ta dila nguko kha nga ho wu a tako ha msengeletanoni ka habanza; sike sakwe sotshe si savatisilwe vaphaxeli vakwe vatilaya; votuma vakwe va pandisekile, ni nene apune a ni kupandiseka.

Jeremiya 25:10

Ni na malata hagari kwawe dipswi da kutsaka ni kusakana, dipswi da va va tekanako, diguwa da marigwi a txitshindo, kumweko ni liwoningo la dilambu.

Jeremiya 16:9

Nguko Mkoma wa Mabutho a Tiyimbi, Txizimu txa ka Israyeli, a khene: Wona, ti to ni na malata dipswi da kuzumbiseka, ni dipswi da litsako, dipswi da mteki, ni dipswi da wo tekwa, masoni kwanu, ka awa masiku.

Jobe 30:31

Sekoko txitende txangu nja nyawudile, ni msengele wangu, dipswi da vale va dilako.

Jobe 30:1

Se konakuwa, mbanana vavadotho va ni sekako, evo vatate vawe ni nga nyenya ku va veka kumweko ni timbwa to wonelela mitxhambi yangu.

Dhewuteronome 16:18

“U na veka valamuli ni vabhali, ka otshe madhoropa ale Mkoma, Txizimu txako, a no kuninga ka lihunzu ni lihunzu, vona va na thethisa vathu ngu kululama.

Hoseya 2:13

Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.