Sidilo 5:13 - Bhiblia Yo Sawuleka

¹³ Va kurumeta majaha kuya gaya, se vafana va dhedherekela ni tinyanda ta tikhuni.

Sidilo 5:13 Referans Kwoze

Valamuli 16:21

Sekoko Vafilista va to mñola, va txi mxokolela maso, ve tsula nayo Gaza, se va to msunga ngu titxhini timbidi ta msuku, ni kuthuma ngu txigayo mkorani.

Matewu 23:4

Va sunga mirwalo yo nemela ni yo karata kurwala, ve yi rweka ha makata ka vathu, aniko vona kha va yi zinginisi hambi ngu litiho.

Isaya 58:6

Ina hi nga kona kutitona ku ni nga ku sawula: Kaku u txhatxha mabhanditxhi a wuonhi, u txhatxha tingoti to sunga dikange; ni ti to u va leka va di txhatxhekile vale vo xaniswa, u phatulela dotshe dikange dawe kani?

Isaya 47:2

Teka txigayo u gaya mpupu; thavisa difaduku ha msungo, thavisa ni tikathula, kunya tinguwo tako u txhatuka minambo.

Jobe 31:10

sekoko msikati wangu a na tsule eya sinza kumwani, kambe vamwani va na otele nayo.

Eksodha 23:5

Ngako u txi wona mbongola ya wule a ku vengako, yi txi wa ngu kunemelwa ngu mthwalo, u nga mleke ekha, aniko m'vhunete ku yi khukhisa.

Eksodha 11:5

Votshe vanana va matiwula vo velekwa ditikoni ka Egipta va na fa, kukhukhela ka matiwula a Faro, awu a nga ti ni fanelo yo khalahatsha ha txikhaloni kwakwe ka wukoma, kala ka matiwula a txithumi txakwe atxi txi thumako ha txigayoni, hambi ni matiwula a sihari sakwe so fuya si na fa.

Eksodha 2:11

Ka masiku oneyo, Mosi i di wa hombe a to huma kasiku eya wona va ka kwawe; ahale a nga wona mathumelo awe o nemela, txitimwi kwawe; a to wona kambe Muegipta wokari a nga txi peka mmweyo wa mwanawe wa Muhebheru.

Eksodha 1:11

Se Vaegipta va to veka vahombe va tihunzu, ti to ve xupha Vaisrayeli, ngu mithumo ya txibhalo. Va to akela Faro madhoropa a Pitomi, ni Ramusesi, amu ku nga ti ni ko veketela kona silo sakwe.

Jeremiya 7:18

Vanana vo sengeletela tikhuni, vatate ve dhivela mndilo, ni vavasikati va vhuva mpupu kasi kumahela simbwanda txizimu txa txisikati, txi dhanwako ku mfumeli wa txisikati wa nzumani; na va txi ningela miningelo ya sakusela ka simwani sizimu, kasi ku ni wusela kuhenya.