Sidilo 4:7 - Bhiblia Yo Sawuleka

⁷ Tinganakana ta Jerusalema ti ti basile kupinda gapongo, ti ti basile kupinda ni masi; mimidi ya tona yi ti tshurile kupinda so bomba ngu sona yi txi phatima ngutu ta tinene.

Sidilo 4:7 Referans Kwoze

Masalmo 51:7

Ni basise ngu hisope txionho txangu kasiku ni na basa; ni kuwule kasiku ni na basa ngutu kupinda hunguva.

Ndando ya Tindando 5:10

Txirandwa txangu njo tshura ngutu, txa txiemo txo tshura, txa teka m'jeke hagari ka 10.000.

Masalmo 144:12

Kasi ku vanana va vathu, va na fana ni mindonga, yi yi kulako yi anda i di ngadi yiphya; vanana vathu vamahorana va na fana ni marigwi a makhonani o vatelwa nga tinyumba ta nyumba ya wukoma,

1 Samuwele 16:12

Sekoko Jese a to ruma vathu veya mlava ve wuya nayo (i ti wo bhilivila, wa khohe yo tshura, ni txiemo txo khaleka). Se Mkoma a to khene ka Samuwele: Khukha u mu tota mafura, nguko awuwa ngene ngu ditshuri.

Dhaniyeli 1:15

Ngako ku dipindile digumi da masiku, tikhohe tawe ti to woneka ti di tshurile ngutu, vona va ti enile ngutu kupala otshe mazambi ale ma nga ti tidya sakudya sa mfumeli.

Valamuli 16:17

Se a to mtulela txotshe txihunja txa mbilu yakwe, a txi m'gela tiya: “Limo kha li zivi ku nga gwesa msungo wangu, nguko ni Mnazira wa Txizimu, kukhukhela mndani ka mame wangu; ngako yi txo kuyulwa misisi, eho mtamo wangu wu ndi na khukha kwangu, ni fana ni vamwani vathu.”

Valamuli 13:7

Aniko ene a ni gete ku khene: “Wona taku u na mana txirumbu, u veleka mwanana wa mfana; konkuwa koko, u nga sele vhinya hambi sopa; kambe u nga dye ni txihi txo yila; nguko mfana a na va i di munazira wa Txizimu, kukhukhela mndani ka mame wakwe, kala ka ditshiku da kufa kwakwe!”

Valamuli 13:5

Nguko u na mana txirumbu u txi veleka mwanana wa mfana, eyo ha msungo kwakwe ku nga thuke ku txi pinda limo, nguko mfaneyo a na va i di munazira wa Txizimu, kukhukhela mndani ka mame wakwe, se ene a na khata kutxhatxhisa va ka Israyeli, manzani ka Vafilista.

Luka 1:15

Ene a na va i di wa hombe masoni ka Mkoma, kha na mbi sela vhinya mwendo wusuke wo levisa, a na tala ngu Moya wo Sawuleka a di ngadi mndani ka mame wakwe;

Eksodha 24:10

se va to wona Txizimu txa ka Israyeli, hahatshi ka mikondo ya txona ku ti ni txo nga dirigwi da safira do phatima ku nga nzuma.

Jobe 28:16

Hambi kuxava wutxhari ngu nzalama yo sefwa ya Ofiri, hambi ngu onekisi, mwendo ngu safira.

Jobe 28:18

Wutxhari wa maha m'thu e divala korali ni kristali; nguko kumaneka ka wutxhari, ku txhuko, kupinda ka marubhime.

Ndando ya Tindando 5:15

Minenge yakwe yi fana ni tiphande ta marigwi, ti ti nga zimekwa txitimwi ka siparako sa nzalama yo hehuka; a wonekisa ku nga Libhanoni, ni wunene nga mikedhari.