Sidilo 4:6 - Bhiblia Yo Sawuleka

⁶ Nguko wubihi wa vathu va ka kwathu, mbwa hombe kupinda wa Sodhoma, i ku m'ti wu wu nga mwalatwa ngu mbimwanyana, i si nga ngu diwoko da m'thu aniko da Txizimu.

Sidilo 4:6 Referans Kwoze

Genesisi 19:25

Se a to haxula madhoropa ale ni lotshe libala, ni votshe vaaki va madhoropa ni similwa sa mafu.

Luka 10:12

Na mi gela ku khani ka Ditshiku dileya da kulamulwa, Sodhoma a nata hehukiselwa kupinda didhoropa donedo.”

Luka 12:47

“Txithumi txile txi zivako kuranda ka nyamne wa txona, aniko txi si ti lulamiseliko, txi si thumiko madingano ni kuranda ka nyamne wa txona, txi na kwapelwa kakungi.

Matewu 24:21

nguko, keyo mbimo, kuxaniseka ku nava i di ka hombe ngutu, kova ku si zivi kuwonwa, kukhukhela kukhatani ka ditiko kala nyamsi, akuwa kambe ku no mbi nga va ni kumaheka kambe.

Dhaniyeli 9:12

Se ene a to tsanisa dipswi dakwe, dile a ngadi womba kwathu, ni ka valamuli vathu vale va nga ti lamula, ngu kutisa dikhombo da hombe txitimwi kwathu; ngu kumaha keto, mhaka yile yi nga humelela Jerusalema, kha yi khali kumaheka hahatshi ka yotshe nzuma.

Sidilo 4:9

Avale va nga dawa ngu ditxhari, va katekile kupinda vale va nga dawa ngu nzala, i ku vale va nga sika va txi goma, ngu kupwateka ka mihando tithembweni.

Genesisi 19:24

Sekoko Mkoma a to wisa txivavula ni mndilo txitimwi ka didhoropa da Sodhoma ni da Gomora, si txi ta ngu nzumani, ka Mkoma Txizimu.

Jeremiya 20:16

Se m'thuyo a na fana ni madhoropa aawa Mkoma a nga ma hasamula, na asi ti layi. Kambe ene a napfe tihuwa ni mixo, ni huwa ngu mbimo ya mitshikari.

Isaya 24:2

Se ati ti no maheka ka vathu, ti na maheka ni ka vaphaxeli; ka txithumi txa wamwamna ni ka nyamne wa txona wa wamwamna; ni txithumi txa txisikati ni ka nyamne wa txona wa wamsikati; ka mxavi, ni ka msavisi, ka wule a lombako, ni ka wule a lombisako; ka m'vili, ni ka wule a vilwako.

Jeremiya 23:14

Aniko ngu ka vaprofeti va Jerusalema ni woni silo so thisa ngutu: Vona va maha wugango, ve hemba makuhu; ve tsanisa mawoko a vamahi va kubiha, kasi ku si hunduluki ni wammweyo amu ka wubihi wakwe; kwangu, va fana ni Sodhoma, vaaki va Jerusalema va fana ni Gomora.

Dhaniyeli 8:25

Se ngu wuzivi wakwe kambe, a na humelelisa wukanganyisi manza kwakwe, se mbiluni kwakwe a na tikulisa, ngu mhaka ya kuthutha a na lovisa votala e wukela mthangeli wa vathangeli, kambe a na funywa na i si nga ngu diwoko da m'thu.