Sidilo 4:2 - Bhiblia Yo Sawuleka

² Vanana vo randeka va Siyoni ava va nga ti fananiswa ni nzalama yo tshura se konkuwa va fana ni tikhadi ta dibumba, ti ti nga mahwa ngu manza a muwumbi.

Sidilo 4:2 Referans Kwoze

Isaya 30:14

Se a na txi faya, nga ti txi fayiswako tona txiya txa muwumbi, a txi txi faya, kha na mbi txi tsetsa; kha ku na mbi maneka ni txirengele tximwetxo, txo hala ngu txona mndilo ha txikho, mwendo kureka ngu txona mati txisimani.

Jeremiya 19:11

u txi khawe: Mkoma wa Mabutho a Tiyimbi a khene: Ni na phwatisa vava vathu ni diya didhoropa, kufana ni kungako ku txi faywa khadi ya muwumbi, ti si kotekiko kutshumela yi tshanganiselwa kambe. Va na tshotshwa Tofeti, ngu kupwata wukhalo wumwani.

2 Timoti 2:20

Ka nyumba ya hombe kha ku maneki siya sa nzalama ni sa silivhela dwe, aniko sa maneka kambe ni sa mavato ni sa dibumba; simwani sina ni mthumo wa lisima la hombe, simwani kha si na mthumo wa lisima la hombe.

2 Vakorinto 4:7

Aniko, thomba yi hi ku nayo, yi vekilwe mu ka siya sa dibumba, kasiku ti txi zivaneka ti to mtamo wuwa wa hombe wuta ngu ka Txizimu, kha wu ti ngu kwathu.

Zakariya 9:13

Nguko ni dombile Judha kwangu, ni tata Efrayime ngu wulaho; ni na wusa vanana vako awe Siyoni, veya lwisa vanana vako awe Gresiya! Se ni na kuveka ku nga ditxhari da ndena.

Sidilo 5:12

Vathangeli va sungeletwe mawoko ve tshongiswa, vathu va hombe kha va vekelwa txithavo.

Isaya 51:18

Ka votshe vanana vale u ngave navo, kuwalo ni wammweyo a ku kombako ditshuri; ni ka votshe vanana vale u nga va wunja, kuwalo ni wammweyo a mñolako ngu dianza.

Sidilo 2:21

Mazambi ni vathu vahombe va mwalate, ha lithuluni ka magondo. Majaha ni votuma vangu, va datwe ngu matxhari. Ditshiku dile u nga ti henyile, u txi dayela u si divaleli.

Jeremiya 22:28

Ina m'thu wuwa Jokoniya njiya txo fayeka ni kunyenywa, a txi txi si vhuniko txilo kani? Kasi a leketwe txani ni vanana vakwe va txi ya tshotshwa ka ditiko va si di ziviko kani?

Jeremiya 19:1

Mkoma a ti khene: Tsula ka muwumbi u txi ya ti xavela khadi ya dibumba, se u na teka masungukati okari a ditiko ni a vaphaxeli,

Hoseya 8:8

Israyeli a khadamutwe; konkuwa, hagari ka matiko a wonekisa ku nga txi maha txi txi si tsakisiko ni wammweyo.