Sidilo 4:19 - Bhiblia Yo Sawuleka

¹⁹ Avale va hi tovelisako va ni livilo, va siya ni sinyana sa nzuma; ve hi tovela mimangoni, va txi hi zingela, txiwulani.

Sidilo 4:19 Referans Kwoze

Habhakuki 1:8

Mahantxhi awe ma tutuma ngutu kupinda singoko, kambe mani tshofu ngutu ni wusiku kupinda maxolwa; vagadhi va ona va hangalaka ka otshe madhawa, ina, vagadhi va ona va nata ngu kule, va na puruma nga magama ma txi tutumela sakudya.

Jeremiya 4:13

“Mlala a nata nga direfu, ni sikotxikani sakwe si nga txihuhuri; mahantxhi akwe ma na kuluveta kupinda magama. Dikhombo kwathu, nguko hi lovile.”

Hoseya 8:1

Veka mpundu ha txisofu kwako. Ene wata kufana ni digama ku ta wukela Nyumba ya Mkoma, nguko va lekile txitumelelano txangu, kambe ve wukela mlayo wangu.

Dhewuteronome 28:49

Mkoma a na ku tisela mfumo wa kuta ngu kule, mfumo wa magwito ka mafu, awule wu nota ngu kupuruma nga ngungwa, mfumo wu wu wombawombako ngu lidimi li awe u si li ziviko.

Amosi 2:14

Kha ku na mbi vhuna txilo kututuma ka va vo txhariha, hambi wa mtamo kha na mbi thumisa mtamo wakwe, ni ndena kha yi na mbi hulukisa wutomi wa yona.

Levhi 26:36

Avale va no huluka hagari kwanu, ni na va tisela dizowa mu timbiluni kwawe; ka mbimo yile mi no va mi di matikoni ka valala vanu, mi na dhuka, ngu kuwa ka dizokoro do oma, mi na thava ku nga mo thava masoni ka ditxhari, mi na wa, mi si tutumiswi ngu m'thu.

Jeremiya 16:16

“Ni na dhana vakukuti vavangi, kuwomba Mkoma: Va na va ndinda; ni na dhana vaxoti votala, va na va xota mimangoni kotshe, ni ka simangwana, ni ka totshe tiphako ta marigwini.

Sidilo 1:13

Kukhukhela txitimwi, a rumete mndilo wu txi ta wulela marambuni kwangu; a ni riyete ngu mlawu e ni wisa ngu nyamsane dotshe ditshiku ni sate ni di dirumbini ni si nga ni kutsaka.

Hoseya 8:3

Israyeli a lambile wunene; mlala a na mtutumisa.