Sidilo 4:16 - Bhiblia Yo Sawuleka

¹⁶ Kupandiseka ka Mkoma ku va abanisile; ene kha na mbi thuka a di va woni kambe, mwendo kuveka txithavo ka vaphaxeli hambi ka vahombe vawe.

Sidilo 4:16 Referans Kwoze

Sidilo 5:12

Vathangeli va sungeletwe mawoko ve tshongiswa, vathu va hombe kha va vekelwa txithavo.

Vahebheru 8:9

Kha txi na mbi fana ni txitumelelano txi ni nga txi maha ni vatate vawe, ka ditshiku di ni nga va ñola ngu diwoko, ni va humisa ditikoni ka Egipta. Nguko, vona kha va vekisa txitumelelano txangu; ngu toneto, kha na va khatalela, kuwomba Mkoma.

Jeremiya 24:9

Ni na va ningela kasi ku veva txidhukiso, ni dikhombo ka matiko otshe a mafu, va na va txisekiso, ni divingu, ni txipoyilo, ni txiruko, kotshe amu ni no va hangalasela kona.

Dhewuteronome 32:26

Ni ti khani: “Ni na va hangalasa, va si swi va txi alakanywa hagari ka mafu!”

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Jeremiya 15:4

Ni na va maha ve thisa masoni ka mifumo yotshe ya ha mafuni, ngu mhaka ya Manasi, mwana Ezekhiya, mfumeli wa ka Judha, ngu ti a nga ti maha Jerusalema.”

Masalmo 106:44

Kambe Mkoma, mbimo yi a nga va wona va txi pandiseka, e engisa kudila kwawe,

2 Makronika 36:17

Nguko a to va rumela mfumeli wa va Kaldheya, awule a nga daya majaha awe ngu ditxhari, nyumbani kwakwe ko sawuleka, kha pfela wusiwana, majaha, hambi mahorana, ni sikosana, votshe a to va ningela manzani kwakwe.

Genesisi 49:7

Yi na va wuyisele dikhombo tshofu yawe ya kwa mbi dinganiswa, txi na mahe dikhombo txiviti txa wurena wawe. Ani ni na va hangalasa hagari ka ditiko da Israyeli.

Jeremiya 52:24

Se mthangeli wa vawoneleli a to teka Sarayasi, mphaxeli wa hombe, ni Zefaniya mphaxeli wa wumbidi, ni vawoneleli vararu va misasimo ya ditimba.

Sidilo 2:6

Ngu mtamo wa hombe a guatile m'dhuti wakwe, nga msakulo; a hasamute msengeletano wa kona. Mkoma a divatisile mibuso ni Sabbata kona Siyoni. Ha kupandisekani kwakwe, a tsukute ngu txieyiso vafumeli ni vaphaxeli.

Masalmo 106:27

ti to txi na hangalasa vanana vawe hagari ka vamatiko, txi va hangalasa hagari ka mifumo.

Isaya 24:2

Se ati ti no maheka ka vathu, ti na maheka ni ka vaphaxeli; ka txithumi txa wamwamna ni ka nyamne wa txona wa wamwamna; ni txithumi txa txisikati ni ka nyamne wa txona wa wamsikati; ka mxavi, ni ka msavisi, ka wule a lombako, ni ka wule a lombisako; ka m'vili, ni ka wule a vilwako.

Isaya 47:6

Ni va henyete ngutu vathu vangu, ni nyenyezisile thomba yangu, se ni va ningete manzani kwako; khwa va pfela wusiwana, hambi txitimwi ka sikosana, u nemetile ngutu dikange dako.

Sidilo 2:20

Awe Mkoma, wona! U txi wonisisa ti to i mani u mmahelako tiya. Ina vamame va fanete ku ti dyela vanana va va va randako, kani? Ina vaphaxeli ni vaprofeti va dingana kudawa va txi fela ka wukhalo wako, wo sawuleka kani?

Ezekhiyele 5:10

Ngu kumaha keto, vatate va na dya vanana vawe hagari kwanu, ni vanana va na dya vatate vawe; se ni na maha wulamuli wangu kwako, votshe vale va no sala, ni na va hangalasa ka otshe madhawa.