Sidilo 4:1 - Bhiblia Yo Sawuleka

¹ Hi nga wona ati nzalama yi nga khurumbelisa tona, yi luzeketwe ngu kudikha ka yona! Marigwi a wukhalo wo sawuleka, ma hangalasilwe kotshe mabhudhulani.

Sidilo 4:1 Referans Kwoze

Sidilo 2:19

Wuka, u peka nyandayeyo, u dila kukhatani ka sigava sa mikombelo ya wusiku, tshakunuta sotshe si si ku mbiluni kwako. U txi si humisa kubasani, masoni ka nyamne wa sotshe. Guleta mawoko ako kwakwe, u txi phaxela vanana vako, ava vafako ngu nzala sidingeni ka otshe magondo.

Isaya 1:21

Eto di nga wekelisa tona didhoropa do thembeka! Adi di nga ti tate ngu wululamo! Wululamo wu ti akile ka dona, aniko konkuwa, didhoropa da wudayi.

Matewu 24:2

Aniko ene a to va gela ku khene: “Ma si wona sotshe siya, kani? Kha ditshuri na mi gela ku khani: Kha ku na mbi sala dirigwi txitimwi ka dirigwi, adi di no mbi khundumuswa.”

Jeremiya 52:13

Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.

Isaya 14:12

U wisile kutxani ngu nzumani, awe nyeleti ya mixo, dihorana da wuronga! U rinzisilwe kutxani hahatshi, awe m'wisi wa matiko!

Marku 13:2

Jesu a txi khene kwakwe: “Wa ti wona tinyumba tiya ta hombe kani? Kha ku na mbi sala dirigwi txitimwi ka dirigwi, adi di no mbi khundumuswa.”

Ezekhiyele 22:18

Awe mwanana wa m'thu, nyumba ya ka Israyeli yi txhipile kwangu; votshe i koporo, ni mthovhu ni simbi, ni simbi yo nemela ngutu, hagari ka txikho; va ti mahile silivhela yo txhipa.

Mika 1:6

Ngu toneto, ni na maha ngu Samariya mmumbu wa marigwi a thembweni, i ku mafu o phaya ka ona mivhinya, se ni na rindilitela marigwi a kona mkovani, ni na tumbula makhato a kona.