Sidilo 3:58 - Bhiblia Yo Sawuleka

⁵⁸ Mkoma, u lwete moya wangu u txi tirula wutomi wangu.

Sidilo 3:58 Referans Kwoze

Masalmo 34:22

Mkoma wa tirula wutomi wa vale va mthumelako; avale va mthembako kha va na mbi tsayiswa.

Jeremiya 51:36

Se a nje khene kha Mkoma: Wona ti to ni na emela mhaka yako, ni na pharela ngu kupharela ko dinganawe; ni na omisa linene lako, ni na maha ti to me guma mati a kona.

Jeremiya 50:34

Aniko Mtiruli wawe mbwa mtamo, Mkoma wa Mabutho a Tiyimbi i ditina dakwe; ngu ditshuri a na emela mhaka yawe, ku va a txi na ninga kuhumula ha mafuni, ni kumalata vazumbi va Bhabhilona.

Masalmo 103:4

ngene a ni hulukisako dithowoni, a txi ni xayisa ngu lirando ni litsako;

Masalmo 71:23

Ni na giya ngu kutsaka, ngako ni txi embelela tindando wotshe mmidi wangu wu na giya, nguko awe u wu hanyisile.

Genesisi 48:16

Ngelozi yi yi nga ni hulukisa ka to biha, yi na katekisa vafana vava, ngu konaho kwakwe ditina dangu di na simame di txi ya masoni, kumweko ni ditina da Abrahamu ni Isaake, i ku vatate vangu; vafana vava va na kule va txi anda ha mafuni.

1 Samuwele 25:39

Se mbimo yile Dhavhidha a nga pfa ti to Nabhali a fite, a to khene: Ku na bongwe Mkoma a nga vhikela dianza da txithumi txakwe kumaha wubihi ka Nabhali, a tsivete txithumi txakwe ka wubihi, kambe Mkoma a mahile ti to wubihi wa Nabhali wu tshumelela txitimwi ka msungo wakwe. Se Dhavhidha a to ruma vathu ka Abhigayeli kuya mteka ti to e maha msikati wakwe.

Jobe 35:14

Se ngu ka tile u nga womba, khu na mbi wona Txizimu; kulamula ku masoni ka txona; ngu mhaka yeto, txi verele.

Masalmo 9:5

U kawukile mahedheni, u lovisile vabihi, u pfhita matina awe, kala kupinduka.

Isaya 51:22

A womba tiya Mkoma Txizmu txako, Nyamne wako, wule a no lwela mhaka ya vathu vakwe: Wona taku ani na teka manzani kwako digombe di di levisako, nzambwa ya digombe da kuhenya kwangu; khu na mbi ngadi u di sela kambe.

Jeremiya 11:20

Aniko Mkoma wa Mabutho a Tiyimbi mulamuli wo lulama, awu a xolako titsho ni timbilu. Ni na wona ngako u txi ni tshunda kupharela kwawe, nguko ni kuzivisile mhaka yangu.

Jeremiya 31:11

Nguko Mkoma a txhatxhisile Jakobe, a txi mtirula ka dianza di ku ni mtamo kupinda ene.

Jeremiya 38:13

Se va to ndinda Jeremiya ngu tingoti, va txi mu humisa diphalani, se ene Jeremiya a to zumba banzani ka vawoneleli.