Sidilo 3:56 - Bhiblia Yo Sawuleka

⁵⁶ U engisile dipswi dangu! U nga tsive nzeve yako kudilani kwangu, ni ka huwa yangu!

Sidilo 3:56 Referans Kwoze

Masalmo 55:1

Engisa, Txizimu, mkombelo wangu; riya nzeve u txi engisa kudila kwangu!

Jobe 34:28

kasi ku kudila ka txisiwana, ku txi hoka ka Txizimu, txi engisa kudila ka vanana vo xomuleka.

Varoma 8:26

Ngu mhaka ya toneto, Moya wo Sawuleka ni wona wata wuta hi vhunetela amu ka mikaralo yathu, nguko kha hi ti zivi ati hi fanelako ku khongelisa tona mikombeloni kwathu; ngu wona wupune wu hi kombelelako, ngu tingumo to mbi balwa.

Isaya 38:5

Tsula u ya gela Ezekhiya, u txi khawe: Mkoma, Txizimu txa Dhavhidha, tate wako, a khene: Ni engisile mkombelo wako, ni woni mirongo yako; wona taku ni na engetela masiku ako, digumi da malembe ni mtxhanu.

Masalmo 34:6

Ngako txisiwana txi txi dhana Mkoma, ene wa txi xamula, kambe wa txi hulukisa ka sotshe sixaniso.

Masalmo 66:19

Aniko Txizimu txi ni engisile txi engisile mkombelo wangu.

Masalmo 3:4

Ngu dipswi do guleka na peka huwa kwakwe Mkoma, se ene wa ni angula a di mmangoni kwakwe ko sawuleka.

2 Makronika 33:19

Se mkombelo wakwe, ni ti Txizimu txi nga wu amukelisa tona, ni sotshe sionho sakwe, ni wubihi wakwe, ni makhalo o guleka ale a nga aka e veka ni sithombe sawe so vatwa, na a sanzi kutiveka hahatshi, wonani ti to totshe ti bhatwe ka mabhuku a vahuti.

2 Makronika 33:13

se e txi mahela mkombelo, se Txizimu txi to engisa kukombela kwakwe, se txi mtshumeta e wuya Jerusalema, ka mfumo wakwe; sekoko Manasi a to tiziva to Mkoma nji Txizimu.

Masalmo 5:2

Engisa huwa yangu, awe Mkoma wangu ni Txizimu txangu, nguko ani ni tisa kwako mkombelo wangu.

Masalmo 5:3

Ni mixo, Mkoma, engisa dipswi dangu, neti di txi txa ditambo ni veka masoni kwako txikombelo txangu ni txi rinzela xamulo yako.

Masalmo 55:2

Ni engise, u txi ni xamula; nguko kuxaniseka kwangu kha ku ni ningi kudikha, na keta.

Masalmo 55:18

Ene a hulukisile ngu kudikha moya wangu ka vale va nga txi ni lwisa, nguko i ti vavangi avale va nga ti ni lwisa.

Dhaniyeli 9:17

Se konkuwa koko, awe Txizimu txathu, engisa mkombelo wa txithumi txako, ni kudila ka txona; khohe yako yi na woninge txitimwi ka wukhalo wako wo sawuleka wule wu nga hoxotwa, ngu kuranda ka Mkoma.