Sidilo 3:46 - Bhiblia Yo Sawuleka

⁴⁶ Valala vathu votshe, va tute sisofu ve hi wukela.

Sidilo 3:46 Referans Kwoze

Sidilo 2:16

Votshe valala vako va asamile sisofu, ni ku kuveteta miloti, ve gegeresela makwasa Va txi kha vona: “He mkhawuliseni! Ditshiku diya i kale hi ti di verete, di hokile, ha di wona!”

Masalmo 79:10

Nguko vamatiko va na wotisa va txi kha vona: “Txizimu txako txi hani kani?” Va kombe vathuvo, masoni kwathu, kuphotela ka mnoha wa vathu vako, awu wu nga theketwa!

Masalmo 79:4

Se hi maneka hi di sekisa hagari ka vaakelani vathu; avale va nga hi randela va hiseka ni ku hi tseketsela.

Eksodha 11:7

Aniko, hagari ka vanana va ka Israyeli, kukhukhela ka vathu kala ka sihari, hambi kudila ka yimbwa kha ku na mbi pfala kasi mi txi tiziva ti to Mkoma a mahile kuhambana hagari ka ditiko da Egipta ni ka vanana va ka Israyeli.

Masalmo 22:13

Va asama sisofu sawe, kufana ni tingonyamo ti bhongako vona va tula madomu awe kasi ku ni kakatxula.

Masalmo 22:14

Ni fana ni mati ma thekelako; otshe marambu angu ma nguda-nguda. Mbilu yangu yi fana ni phula, ayi yi nyivilikako mndani kwangu.