Sidilo 3:45 - Bhiblia Yo Sawuleka

⁴⁵ Hagari ka vamatiko u hi hundute hi txi maha nzambwa ya ha ditalani.

Sidilo 3:45 Referans Kwoze

1 Vakorinto 4:13

hi txi singetwa makuhu, athu hi womba mapswi a thavelelo. Hi hindukile hi txi nga ho va nzambwa ya mafu, ditala da votshe, kala ditshiku da nyamsi.

Sidilo 3:14

Ni hundukile ni maha txisekiso hagari ka va ka kwathu dotshe ditshiku, va txi ni poyilela ngu tindando.

Sidilo 2:15

Votshe va vapindako ngu nzila vo bhwabhwatela manza, awe mwanana wa dihorana wa Jerusalema Va txi kuvetela miloti, va txi kuzinginisela misungo, va txi kha vona: “Ina ngu wona m'ti wu wu nga ti dhanwa kale ti to mburi ya timburi, txitsakiso mafuni kotshe kani?”

Dhewuteronome 28:44

Ene a na ku txenekisa awe, kambe awe khu na mbi mtxenekisa txilo; ene ngene a no va a di masoni kwako, kambe awe u na va u di mkila kwakwe.

Dhewuteronome 28:37

U na va u di txidiwukiso, ni txisekiso, ni txiruko, hagari ka vathu votshe vava, Mkoma a no va a di ku yisile kwawe.

Dhewuteronome 28:13

Se Mkoma a na kuveka kuva msungo, i si nga ka mkila, mbimo yotshe u na va u di txitimwi, i si nga kuva u di hahatshi, ngako u txi engisa ni kuvekisa sirumo sa Mkoma, Txizimu txako, asiya nyamsi ni ku leletako ti to u txi si vekisa, ni ku si londisa.

Sidilo 3:46

Valala vathu votshe, va tute sisofu ve hi wukela.