Sidilo 3:29 - Bhiblia Yo Sawuleka

²⁹ A na ti namise ngutu, mwendo a na thuka adi ningilwe kuthemba!

Sidilo 3:29 Referans Kwoze

Jobe 40:4

Wona taku kha ni nga wa txilo, ni na kuxamula txani ani kani? Ni tsiva txisofu txangu ngu dianza dangu.

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Luka 18:13

Aniko mkhupisi, a di emile ngu kule, a ti si tsani ni kugula maso e wona nzumani, aniko a txi ti peka khana a txi khene: ‘Txizimu txangu, telwa ngu wumbilu ni nani, ni ku muonhi.’ ”

Zefaniya 2:3

Lavani Mkoma, anu motshenu vo thutha va ha mafuni, anu mi thumisako kulamula ngu sileleto sakwe; lavani kululama, lavani kutiveka hahatshi; mwendo mi nata siswa ka ditshiku da kuhenya ka Mkoma.

Jona 3:9

I mani a ti zivako taku mwendo Txizimu txi nga tshumela txi tilaya, se txi hambana ni txiviti txa kuhenya ka txona, kasiku hi si lovi kani?

Joyeli 2:14

I mani a ti zivako taku Txizimu mwendo txi nga tshumela txi tilaya, ngu msana e mi ninga makatekwa, mi maha miningelo ya sakudya ni sa kusela, ka Mkoma, Txizimu txanu kani?

Ezekhiyele 16:63

ekasi ku u na alakanya, u txi wa tingana, khu na mbiswa kambe u tula txisofu txako, ngu mhaka ya tingana tako, mbimo yile hi no divalelana ni nawe, ka totshe tile u nga ti maha, kuwomba Mkoma.

Jeremiya 31:17

Kuthemba kuho kwako ngu mbimo yi yitako, ka liveleko lako, kuwomba Mkoma, nguko vanana vako va na wuyela ditikoni kwawe.

2 Makronika 33:12

Se ene a di pandisekile, a to khongela masoni ka Mkoma Txizimu txakwe, e ti veka hahatshi ngutu masoni ka Txizimu txa vatate vakwe,

Jobe 16:15

Rungani mkhwasi aha ka nyama yangu, se mi rindilita msungo wangu lithuluni.