Sidilo 3:26 - Bhiblia Yo Sawuleka

²⁶ Ndinene ngako m'thu a txi laphisa mbilu a txi verela ngu kuthutha tito, Mkoma a na muhulukisa.

Sidilo 3:26 Referans Kwoze

Masalmo 37:7

Themba Mkoma, u txi rinzela ene; u nga khatale ngu vale va humelelako wutomini kwawe, avale va humelelako ngu makungo awe o biha.

Masalmo 37:34

Themba Mkoma, u londeta tinzila takwe ene a na kuguleta, e kuninga mafu awa me maha thomba yako; awe u na ti wona ngu maso ako mbimo yi va no fuviswa vabihi.

Masalmo 130:5

Ni verela Mkoma; Moya wangu wa m'verela, se ni verela dipswi dakwe.

Vahebheru 10:35

Ngu toneto, mi nga karaleni, nguko kutimisela ku fanetwe ngu hakhelo ya hombe.

Genesisi 49:18

Mkoma, ni verela kutirulwa ngu ngawe!

1 Pedro 1:13

Ngu toneto, sungani mitxalatxala siwununi kwanu, mi zumba mi txi wonelela. Vekani likholo lanu ka kateko yi mi nga ningwa, kuwonekeliswani ka Mkoma wathu, Jesu Kristu.

Vahebheru 3:14

Nguko, hi vamwevo ni Kristu, ngako hi txi vekisa ngu kutsana kala magwito kuthemba kwathu, aku hi nga va nako kukhatani,

Isaya 30:15

Nguko Mkoma Txizimu, Msawuleki wa Israyeli, a khene: Ngu kuhunduluka ni kuthutha, ku ndi na maneka kuhanyiswa kwanu; kuzumbisekani ni mu ka kuthemba, ku ndi na maneka mtamo wanu, aniko kha ma ti lava.

Masalmo 119:166

Mkoma, ani ni rinzela kuhanyisa kwako, nguko ni xayisile sirumo sako.

Masalmo 119:174

Mkoma, ani ni vilela kuhanyiswa ngu ngawe, nguko mlayo wako wu tsakisa mbilu yangu.

2 Makronika 20:17

Ka yimbi yiya anu kha mi na mbilwa, tsulani mi txi ya ema mi wonetela a ti Mkoma a no maha, kasi ku mi hulukisa, anu va ka Judha, ni va Jerusalema; mi nga thaveni, kambe mi nga dhukisweni; mangwana va hingeteni, nguko Mkoma a na va ni nanu.

Masalmo 54:6

Ani ni na ninga miphaxo ngu kuranda kwangu; ni na dhumisa ditina dako, Mkoma, nguko awe u wamnene,

Masalmo 52:9

Yotshe mbimo ni na kudhumisa ngu mhaka ya ti u nga maha kala kupinduka. Masoni ka vasawuleki vako ni na dhumisa ditina dako, nguko awe u wamnene.

Masalmo 73:28

Aniko kwangu, ndinene kuzumba hafuhi ka Txizimu. Awe, Mkoma, Txizimu txangu, u wuthavelo wangu; ni na huwelela totshe ti u nga maha.

Vagalatiya 4:18

Aniko ati i ku tona, khutalelani wunene yotshe mbimo, mi nga maheni wunene ngu kuva ni di hafuhi ni nanu dwe.

Isaya 30:7

Nguko Egipta a na va vhuna walo, se va si hoki ka magwito a txilo, ngu toneto, ni dite ngu mhaka yiya: Kumalalani kwawe, ku nava ni mtamo wawe.

Masalmo 92:1

Ti ni fanelo ku kubonga, awe Mkoma, ti ni fanelo ku kudhumisa ngu tindando, awe Nyatxitimwi!

Eksodha 14:13

Kambe Mosi a to khene ka vathu: “Mi nga thaveni; manekani mi di tsani, nguko nyamsi mi na wona ti Mkoma a no mi hulukisisa tona; nguko Vaegipta vava mi va wonako nyamsi, kha mi na mbiswa mi txi va wona kambe.

Isaya 7:4

Se u na khawe kwakwe: Ti wonele, u ti malalela; u nga thave, ni mbilu yako yi nga gume mtamo, ngu mhaka ya sikhwemu simbidi sa misonje, si pukukako wutshi, ngu mahaka ya kuhenya ka Rezimi, ni ka Siriya, ni ka mwana Remaliya.

Jeremiya 14:22

ina txiho txifananiso hagari ka vamatiko txi sikotako kunisa mati kani? Mwendo nzuma yi nga sikota kunisa mati yipune kani? Ina hi ngawe kani Mkoma, Txizimu txathu kani? Ngu konaho, hi na kuverela, nguko ngawe u nga maha sotshe siya.

Sidilo 3:27

Ndinene ngako m'thu a txi gonda kurwala sikarato i di ngadi mphya;

Eksodha 14:14

Mkoma a na lwa ngu nganu, kambe anu mi na malala mi txi dwe!”

Masalmo 62:2

Txizimu ngu txona txokha i ku m'vhikeli wangu ni Muhanyisi wangu. Kha ni na mbi dekadekiswa, nguko txona mbuthavelo wangu.

Habhakuki 2:3

Nguko txiwoniso njo dingana mbimo yokari, se kala magwito txi na womba-womba, kha txi na mbi hemba; ngako txiwoniso txi txi swela, txi verele, nguko kha ditshuri txi nata, kha txi na mbi swela.