Sidilo 3:19 - Bhiblia Yo Sawuleka

¹⁹ Alakanya kuxaniseka kwangu ni kurerela kwangu, ngu txhefu ni nyongwa.

Sidilo 3:19 Referans Kwoze

Sidilo 3:15

Txizimu txi ni khurisile ngu so bava, txi ni setile nyongwa ni za ni kosa.

Sidilo 3:5

A ni randete, a txi ni dyisa tshiku ni tshani.

Jeremiya 9:15

Ngu konaho, kuwomba Mkoma wa Mabutho a Tiyimbi, Txizimu txa Israyeli, a txi khene: Ni na va dyisa manonwe, ni ku va seta txhefu.

Masalmo 132:1

Mkoma, alakanya Dhavhidha ni sotshe sikarato sakwe!

Masalmo 89:50

Alakanya, Mkoma, siruko so wukela txithumi txako; ni rwate hakhana kwangu siruko sa yotshe mifumo,

Masalmo 89:47

Alakanya, Mkoma, ti to wutomi wangu wu komile! Votshe vathu, u nga va va nga, va pinda ngu kukuluveta.

Jobe 7:7

Alakanya taku wutomi wangu wu fana ni moya; maso angu kha ma na mbi ngadi me wona wunene.

Nehemiya 9:32

Konkuwa koko, awe Txizimu txathu, awe Txizimu txa hombe, txa mtamo ni kuthisa, txi xayisako txitumelelano ni wunene, yi nga maneke i di yidotho yotshe xomulo yi yi nga hi hokela, ni vafumeli vathu, ni vathangeli vathu, ni vaphaxeli vathu, ni vaprofeti vathu, ni vatate vathu, ni votshe vathu vako, kukhukhela ka masiku a vafumeli wa va Asiriya, kala ka ditshiku da nyamsi.

Jeremiya 8:14

Ngu kutxani hi ku ngadi hi txi zumba hawa kani? Ahi tshanganeni, hi txi wulela ka madhoropa o tsana, se eho hi txi malala; nguko konakuwa, Mkoma Txizimu txathu, a hi malatile, e hi seta mati a nyongwa; nguko hi onhete Mkoma.