Sidilo 3:17 - Bhiblia Yo Sawuleka

¹⁷ A rethete kule kudikha ka moya wangu, ni divala ni litsako.

Sidilo 3:17 Referans Kwoze

Isaya 59:11

Athu hotshethu ha bhonga ku nga singwingwi kambe hi simama hi dilisa ku nga situvani; hi verela kulamulwa, aniko kha ku humeleli; hi verela kuhanyiswa aniko ku kule ni nathu.

Zakariya 8:10

Nguko ma sinzi kuhoka masiku awa, ku si nga ni kuholelwa ka vathu, hambi ni kudihelwa ka sifuyo; kambe ku ti si nga ni kudikha ka wule a nga ti ti wulela, ni ka wule a nga ti ti huma, ngu mhaka ya mlala, nguko ani ni kujetete votshe vathu, ti to mmweyo ni mmweyo e wukela mmwani m'thu.

Sidilo 1:16

Se kona kuwa, ni dila ngu totshe ti ti nga ni humelela; maso angu kha ma emi kuhuma mirongo; awule a nga ti fanete ku ni malatela ni ku ni tsanisa a maneka kule ngutu ni nani; vanana vangu va hangalasilwe, nguko mlala a ni xute.

Jeremiya 16:5

Nguko Mkoma a khene: U nga wulele nyumbani ka txidilo, u nga tsule navo kusalukani, hambi ku va xanisekela; nguko ni thavisile kuthutha kwangu ka diya ditiko, kuwomba Mkoma, ina, wunene ni wumbilu.

Jeremiya 14:19

Ina u mlekete magwito Judha kani? Mwendo u ngava u di swirekile mbiluni ngu Siyoni kani? Ngu kutxani u nga hi pekisa ti to hi si sikoti ni kuthumwa kani? Hi ti verete kuthutha, aniko wunene kha wa woneka; Hi verete mbimo yo thumwa, na kuve kuthava kuho!

Jeremiya 8:15

Hi ti verete kuthutha, aniko kha ka maheka wunene, hi verete ngu mbimo yo thumwa, kuve kuthava kuho!

Isaya 54:10

Nguko mimango yi na wekela, ni simangwana si na zinginika; aniko wumbilu wangu kha wu na mbi kuvayilela, se txitumelelano txa kudikha kwangu kha txi na mbi txitxa, kuwomba Mkoma, wule a ku mahelako wumbilu.

Isaya 38:17

Wona taku kuthuthani kwangu ni ti ti ni kupandiseka ka hombe; awe koko, wa lirando ngutu, u to khutarela muhefemulo wangu, kha wawa diphalani ka kusina, nguko u tshotshile msana kwako sotshe sionho sangu.

Masalmo 119:155

Kuhanyiswa ku kule ka vabihi, nguko kha va lavi sileleto sako.

Jobe 7:7

Alakanya taku wutomi wangu wu fana ni moya; maso angu kha ma na mbi ngadi me wona wunene.

Genesisi 41:30

Ngu msana ma nata malembe a mtxhanu ni mambidi, a nzala, aha koza ku txi divalwa kotshe kupfuna ditikoni ka Egipta, se nzala yi na heta ditiko.

Jeremiya 12:12

Vahasamuli va tile mimangoni kotshe ka txiwula, nguko ditxhari da Mkoma di xasela kukhukhela magwito kala kumwani magwito ka ditiko; kha ku na m'thu ni wammweyo a nova ni kuthutha.