Sidilo 2:8 - Bhiblia Yo Sawuleka

⁸ Mkoma a ni txikungo txo hoxota diguma da muhorana wa Siyoni; a txi ganyatela asi divaleli a mahile ti to ku va ni dikhodho nguko ku fayetetwe diguma ni lithango se ve maneka va si tsana.

Sidilo 2:8 Referans Kwoze

2 Vafumeli 21:13

Ni na gwimba ngoti ya Samariya txitimwi ka Jerusalema, ni txidinganiso txa nyumba ya ka Akabe; ni na kuwula Jerusalema ku nga tile a mahisako tona wule a kuwulako mbiya, e gwita e yi fenengeta.

Jeremiya 14:2

Judha wa dila, miti yakwe yi gumile mtamo, va khalahatsha na va di ambate mizila; Huwa ya pfala ngu Jerusalema.

Isaya 34:11

Aniko disekwa, ni nungu, si na zumba kona, se disukulu ni digwana si na aka kona, kambe ene a na gwimba ngoti ya tipfilupfilu, ni txidinganiso txa mipimiso yo biha.

Isaya 3:26

Se sike sa didhoropa si na va kupandisekani ni kudilani; ene a na handwa e khalahatshi hahatshi.

Jeremiya 5:10

Kwelani magumani kwawe, mi txi ma khundumusela aniko mi nga ma heteleni magwito. Thaviselani tidhavi tawe nguko hi nga ta Mkoma.

Ezekhiyele 20:22

Aniko ni khwanyetile dianza, ngu mhaka yo randa ditina dangu, kasi ku di si nyenyeziswi masoni ka matiko, ka vale ni nga va humisa ka vona.

Sidilo 2:17

Mkoma Txizimu a hetisile makungo akwe, a mahile ngu ha a nga womba ngu kona; a kha hindula makungo akwe a kale. A hasute, asi divaleli, a tsakisile valala ngu kuwa kwako a txi va engetela mtamo.

Sidilo 2:5

Mkoma a hindukile nga mlala; a hetile va ka Israyeli, a khundumusete totshe tinyumba tawe ta wukoma, a fayetete mikhokhola yawe; e engetela kudila ni kupandiseka ka mwanana wa ka Judha.

Sidilo 2:2

Mkoma a khundumusete yotshe miti ya va ka Jakobe, kha yi pfela wusiwana; kupandisekani kwakwe a khundumusete mikhokhola ya mwanana wa dihorana wa Judha; a txi yi wisa hahatshi; a onhetete wukoma ni vafumeli va kona.

Isaya 28:17

Se ni na lulamisa wulamuli ngu ngoti, ni wululami ngu txyemo, se maralala ma na hiyela wuthavelo wa makuhu, mati ma na fenengeta ko sisala kona,

Isaya 5:5

Konkuwa koko, na mi gela ti ni no maha, ka thembwe yangu ya m'vhinya: Ni na thavisa libhingo la yona, yi na maha lihawu; ni na khundumusa diseta da kona, di na kandetelwa.

Jobe 13:21

Tsulisa kule ni nani dianza dako, kambe u nga ni xamalise ngu kuthisa kwako.

2 Samuwele 8:2

Kambe a to xasela Vamowabhi, e va otelisa hahatshi ni ku va pima ngu ngoti, a to va pima ngu tingoti timbidi kasi ku e va daya, avale va nga pimwa ngu ngoti yimweyo a to va leka ve hanya. Ngu kumaha keto, Vamowabhi va to maha tikhumbi ta Dhavhidha, ve mluva.

Sidilo 2:18

Guleta dipswi u txi dila ka nyamne wa sotshe! Awe diguma da mwanana wa dihorana wa Siyoni! Mirongo yako yi na khulunge wusiku ni mitshikari nga txinambwana. Maso ako ma nga thuke ma txi humula, u nga leke kudila.

Isaya 22:5

Nguko ditshiku da xomulo, ni da tingana, ni da pfilu-pfilu, ngu dona diya da kuta ngu ka Mkoma, Txizimu txa Tiyimbi, mkovani ka Txiwoniso: Kukhundumuswa ka maguma, ni huwa yo hoka ni mimangoni.

Jeremiya 52:13

Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.