Biblia Todo Logo
Bib sou entènèt

- Piblisite -




Sidilo 2:7 - Bhiblia Yo Sawuleka

7 Mkoma a lekile txiluvelo txakwe a tsukute ni wukhalo wakwe wo sawuleka, a ningete manzani ka valala maguma a tinyumba tawe ta wukoma; va pekile huwa Nyumbani ka Mkoma nga disthiku da msengeletano wa mpipi.

Gade chapit la Kopi




Sidilo 2:7
31 Referans Kwoze  

I nda khawe ka nyumba ya ka Israyeli: Mkoma Txizimu a khene: Wonani taku ni na nyenyezisa nyumba yangu yo swuleka, i ku wudhumo wa kutsaniswa kwanu, ni kunavela ka maso anu, ni kutsaka ka mihefemulo yanu; se vanana vanu va mazambi ni vamahorana vale mi nga va siya, va na dawa ngu ditxhari.


Ngu koneho ni na veka mndilo ka Judha, se wona wu na heta tinyumba ta wukoma ta Jerusalema.


Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.


Aniko ene a to va gela ku khene: “Ma si wona sotshe siya, kani? Kha ditshuri na mi gela ku khani: Kha ku na mbi sala dirigwi txitimwi ka dirigwi, adi di no mbi khundumuswa.”


Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.


Se ni na tisa vathu va tshofu ngutu ngu ka mamwani matiko, va nata honyola tinyumba tawe; kambe ni na heta kutiguleta ka vale va mtamo, ni makhalo awe o sawuleka ma na nyenyeziswa.


Mkoma a hindukile nga mlala; a hetile va ka Israyeli, a khundumusete totshe tinyumba tawe ta wukoma, a fayetete mikhokhola yawe; e engetela kudila ni kupandiseka ka mwanana wa ka Judha.


Eto Mkoma a nga fenengetisa tona mwanana wa Siyoni wa dihorana kupandisekani kwakwe ngu marefu! A puluwundisile wudhumo wa Israyeli kukhukhela nzumani kala ha mafuni, kha alakanya txikhigelo txa mikondo yakwe; ka ditshiku da kuhenya kwakwe.


Se Vakaldheya va to hisa nyumba ya mfumeli ngu mndilo ni tinyumba ta vathu va ditikoni, ve khundumusela maguma a Jerusalema.


Vakaldheya va randelako didhoropa diya, va na wulela ka dona va txi di hisa ngu mndilo, va txi hisa ni tinyumba totshe ati ku hiselwako ka tona mabaselo a Bhahali, ni kuningela miningelo ya kusela ka simwani sizimu, va txi ni henyisa.


Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”


ani ni na maha ti to nyumba yiya yi txi nga Silo, ni didhoropa diya ni na di maha txiruko ka totshe tihunzu ta mafu.


Se va to hisa Nyumba ya Txizimu, ve khundumusela maguma a Jerusalema, ve hisa tinyumba takwe totshe ta wukoma, va txi fayetela siya sakwe sotshe sa lisima.


Hambi ka toneto, ngako va di payutwe veya maneka ditikoni ka valala vawe, kha ni na mbi va leka, kha ni na mbi va tsukula aha koza ni txi va fuvisa, ni divala txitumelelano txi ni nga txi maha navo, nguko ani ngani Mkoma, Txizimu txawe.


Madhoropa anu ni na ma maha marumbi, ni khundumusela makhalo anu o nyenyeza, na mbiswa ni txi tsakela mafura a miphaxo yanu, o bhumula.


U tshotshile txitumelelano txi u nga ti natxo ni txithumi txako; u tshotshile hahatshi m'bhoti wakwe.


“Mkoma, Txizimu txa ka Israyeli, a khene: Wonani, ni na tshumetela matxhari awa ma ku manzani kwanu, awa milwako ngu ona hahanze, mi txi wukela mfumeli wa Bhabhilona ni Makhaldheya, ava va nga mi randela, ni na ma sengeletela ka didhoropa diya.


Ngu dona dipswi da vale va nga thava ve huma ditikoni ka Bhabhilona, ku va va txi ya zivisa Siyoni kuphota ka Mkoma, Txizimu txathu, kuphota ka mbimo yakwe.


Tinzila ta Siyoni ta dila nguko kha nga ho wu a tako ha msengeletanoni ka habanza; sike sakwe sotshe si savatisilwe vaphaxeli vakwe vatilaya; votuma vakwe va pandisekile, ni nene apune a ni kupandiseka.


A to hisa Nyumba ya Mkoma ni nyumba ya mfumeli, kumweko ni totshe tinyumba ta Jerusalema; a to hisa ni totshe tinyumba ta vahombe.


Awe Mkoma, u nga henye ngutu, u nga alakanye wubihi wathu kala kupinduka; wona, athu ha kukombela, athu hotshethu hi vathu vako.


Ni to xolisisa, ni wona tito, ditiko do nona di hindukile di maha txiwula ni otshe madhoropa a dona ma khundumusetwe masoni ka Mkoma ni masoni ka kuvhiluka ka kuhenya kwakwe.


Nguko Mkoma a khene: “Ditiko dotshe di na hasamulwa, aniko na mbi di hetisela magwito.


Swiv nou:

Piblisite


Piblisite