Biblia Todo Logo
Bib sou entènèt

- Piblisite -




Sidilo 2:6 - Bhiblia Yo Sawuleka

6 Ngu mtamo wa hombe a guatile m'dhuti wakwe, nga msakulo; a hasamute msengeletano wa kona. Mkoma a divatisile mibuso ni Sabbata kona Siyoni. Ha kupandisekani kwakwe, a tsukute ngu txieyiso vafumeli ni vaphaxeli.

Gade chapit la Kopi




Sidilo 2:6
25 Referans Kwoze  

Ava va nga pandiseka ngu ngawe, ngu mhaka ya ditshiku dile da m'buso, ani ni na va sengeleta; evo ka vona kunemela ku va xanisile.


Tinzila ta Siyoni ta dila nguko kha nga ho wu a tako ha msengeletanoni ka habanza; sike sakwe sotshe si savatisilwe vaphaxeli vakwe vatilaya; votuma vakwe va pandisekile, ni nene apune a ni kupandiseka.


Kupandiseka ka Mkoma ku va abanisile; ene kha na mbi thuka a di va woni kambe, mwendo kuveka txithavo ka vaphaxeli hambi ka vahombe vawe.


Ngu toneto, nani ni mi mahile vo eyiseka, ni kutxhipa masoni ka votshe vathu, ti ti wombako ku kha ma xayisa tinzila tangu, aniko mi sawute tikhohe kutxhamuselani ka mlayo.


Nguko a eyisile txixambanyo, e funya txitumelelano, txo mahwa ngu kuñolana ka manza; a di mahetete totshe eto, kha na mbi huluka.


Vathangeli va sungeletwe mawoko ve tshongiswa, vathu va hombe kha va vekelwa txithavo.


Msawuleki wa Mkoma, ene mtsimbilisi wathu va mñote kufana ni txihari txo wela diphalani. Kuve athu hi ti emete ene, ku a txi hi vhikela, hahatshi ka mtsudi wakwe, hi na hanya hagari ka matiko.


Nyumba yathu yo sawuleka ni wudhumo, yile vatate vathu va nga txi kudhumisa ka yona, yi hisilwe; ni sotshe simaha sathu so dhundeka ngutu si xasetwe.


Ngu mbimonyana ya yidotho dwe, u tekilwe ngu vathu vako vo sawuleka, valala vathu va kandetete wukhalo wako wo sawuleka.


Ngu mhaka yeto ni na nyenyezisa vahombe va wukhalo wo sawuleka, kambe ni maha ti to Jakobe e loviswa, ni Israyeli kuva e rukwa.


Konkuwa koko, na mi gela ti ni no maha, ka thembwe yangu ya m'vhinya: Ni na thavisa libhingo la yona, yi na maha lihawu; ni na khundumusa diseta da kona, di na kandetelwa.


Mi nga tiseni kambe mningelo wanu wa kwa mbi vhuna txilo; dibaselo danu da ni nyenyeza, ni mibuso ya kumeka ka mtxima, ni ya Masabbata, ni kuramba ka mi msengeletano; kha ni na ku timisela kuwona kubiha ka misengeletano yo sawuleka.


Se mwanana wa muhorana wa Siyoni a fana ni m'dhuti wa thembweni ka mivhinya; kufana ni m'dhuti wa thembweni ka maranga; kufana ni didhoropa do randelwa ngu valala.


U khundumusile otshe maguma a didhoropa; u mahile marumbi mikhokhola ya kona.


Ngu kutxani u txi khundumusa libhiyo la thembwe yako, u leka avale va pindako ngu nzila va txi hapha mauvha a wona kani?


Nyumba ya txona ya wukhongeli yi maneka Jerusalema; m'ti wa txona wu mmangoni ka Siyoni.


Aniko, ngako mi si ni engisi, kasi ku mi si sawulekisi ditshiku da Sabbata, ni kuva mi si tisi mirwalo ni kuwulela nayo ngu sike sa Jerusalema, ngu ditshiku da Sabbata; sekoko, ni na dhivela mndilo sikenini ka dona, wu hisa tinyumba ta wukoma ta Jerusalema, mndilo wuwa kha wu na mbi timeka.”


Ngu dona dipswi da vale va nga thava ve huma ditikoni ka Bhabhilona, ku va va txi ya zivisa Siyoni kuphota ka Mkoma, Txizimu txathu, kuphota ka mbimo yakwe.


Madhoropa anu ni na ma maha marumbi, ni khundumusela makhalo anu o nyenyeza, na mbiswa ni txi tsakela mafura a miphaxo yanu, o bhumula.


Va hisile nyumba yako yo sawuleka ve yi nyenyezisa, va txi wisa hahatshi nyumba yako.


Thembwe yi na maha txiwula, kha yi na mbi sakatwa, hambi kudimwa; kambe ku na mila txipopo ni mipa; ni na leleta marefu ti to ma si nisi nzuma txitimwi ka yona.


Nguko a womba tiya Mkoma wa Mabutho a Tiyimbi, Txizimu txa Israyeli: Nga ti ku nga thekelisa tona kuhenya kwangu ni txiviti txangu ka vale va zumbako Jerusalema, ku na thekelisa toneto kuhenya kwangu txitimwi kwanu, aha ni no wulela Egipta; mi na maneka mi txi ruketelwa, txixamaliso, txinyenyeko, ni kutxhipiswa, kha mi na mbi wu wona kambe wukhalo wuwa.


U na m'gela tiya: Mkoma a khene: Asi ani ni nga si aka na si khundumusa, asi ni nga phaya ni na si dula, ni na maha eto kotshe ha mafuni.


Swiv nou:

Piblisite


Piblisite