Sidilo 2:4 - Bhiblia Yo Sawuleka

⁴ A dombile wulaho wakwe, nga mlala, a tekile lingove lakwe nga mlala; kambe a dayete sotshe si i nga ti so tshura ni ku si wona. A theketile txiviti txakwe txitimwi ka ditenda da mwanana wa muhorana wa Siyoni.

Sidilo 2:4 Referans Kwoze

Jeremiya 7:20

Ngu konaho, Mkoma Nyamne wa sotshe, a khene: Ni na tshakunuta kuhenya kwangu ni txiviti txangu ka wuwa wukhalo, txitimwi ka vathu ni txitimwi ka sihari, ni txitimwi ka mindonga ya txitinga ni mihando ya mafu, si na tura si si koteki kutimwa.

Ezekhiyele 24:25

Se ngu kwako awe mwanana wa m'thu: Kha ku na mbi maheka taku, ka ditshiku di ni no thavisa mkhokhola wawe, i ku wudhundo wa ku ti bombisa kwawe, ni kunavela ka maso awe, kuwusetwa ka mihefemulo yanu, ni vanana vanu va mazambi ni vamahorana,

Jeremiya 21:5

Ani nipune ni na lwa ni nanu ngu dianza di di guletilwe, ngu diwoko da mtamo, ni kuhenya, ni kuswireka, ni txiviti txa hombe.

Isaya 42:25

Ngu mhaka yeto, a tshakunutile kuhenya kwakwe txitimwi kwawe, ni mtamo wa yimbi. Se a va vekete m'dhikila madhawani, kambe kha va tipfisisa txilo keto; a va hisile aniko kha va veka mbilu yawe keto.

Jeremiya 30:14

Votshe va va kurandako va ku divate, kha va ku khataleli. Nguko ni ku dayisisile ku nga wo va mlala, ngu txitsayiso txa timbiti; ngu kukula ka wubihi wako, ni wungi wa sionho sako.

Jobe 6:4

Nguko na fulwa ngu tingove ta wule wa Mtamo-wotshe, se moya wangu wa setwa wuxungu wa tona wo hisa; ni kuhenya ka Txizimu ka ni xomela matxhari.

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Nahume 1:2

Mkoma i Txizimu txa txiluse ni kuphota; Mkoma wa ti photela ni kutala ngu kuhenya; Mkoma wa ti photela ka vale va m'wukelako, txiviti txakwe a txi vekela valala vakwe.

Ezekhiyele 36:18

Ni to tshakunuta koko kuhenya kwangu txitimwi kwawe, ngu mhaka ya mnoha wule va nga wu theketa txitimwi ka mafu, ni sithombe sawe va ngadi nyenyezisa ngu sona.

Ezekhiyele 22:22

Kufana ni kule kupatanako silivhela hagari ka txikho, mi na patanisiswa toneto hagari ka txikho; kambe mi na tiziva taku ani Mkoma, ni na tshakunuta kuhenya kwangu txitimwi kwanu.

Ezekhiyele 6:12

Awule a no va a di kule a na dawa ngu mtungu; kambe awule a ku hafuhi a na dawa ngu ditxhari; se awule a no sala a di randetwe ngu valala, a na dawa ngu nzala; se ni na va wukela ngu txiviti.

Ezekhiyele 5:13

Ngu kumaha keto kuhenya kwangu ku na maheka, ni na boxela kwawe txiviti txangu ni txi ti thavelela; kambe va na tiziva ti to ngani ani, Mkoma, ni nga womba ngu kuvihata, mbimo yi ni no va vitikela.

Sidilo 4:1

Hi nga wona ati nzalama yi nga khurumbelisa tona, yi luzeketwe ngu kudikha ka yona! Marigwi a wukhalo wo sawuleka, ma hangalasilwe kotshe mabhudhulani.

Sidilo 3:3

Nguditshuri, ditshiku ni ditshiku a zumbete ku ni peka.

Sidilo 2:5

Mkoma a hindukile nga mlala; a hetile va ka Israyeli, a khundumusete totshe tinyumba tawe ta wukoma, a fayetete mikhokhola yawe; e engetela kudila ni kupandiseka ka mwanana wa ka Judha.

Jeremiya 36:7

Mwendo va na khongela masoni ka Mkoma, se ve hunduluka mmwani ni mmwani ka nzila yakwe yo biha, nguko kuhenya ni txiviti txa Mkoma nza hombe, asi a wukelako ngu sona vathu vava.

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.

Jeremiya 4:4

Mahani Sithiva ka Mkoma, mi thavisa didhowo da timbilu tanu, anu vavamna va ka Judha, ni vaaki va Jerusalema. Kasi kuhenya kwangu ku si vhutuki nga mndilo, wu turako ha kaku wu si timwi, ngu mhaka ya kubiha ka mithumo yanu.

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

Isaya 63:6

Se ni kandetete vathu kuhenyani kwangu, kambe ni va lavisile ngu txiviti txangu, se ni wisa mtamo wawe hahatshi.

2 Makronika 34:25

Nguko va ni lekile veya hisela dibaselo sizimu simwani, kasiku ni wusela kuhenya kwangu ngu yotshe mithumo yawe, se ngu toneto kuhenya kwangu na kuthekete txitimwi ka wukhalo wuwa, ku na pwateka ni wammweyo awu a no sikota ku kuthavisa.

2 Makronika 34:21

Tsulani mi ya wotisa ngu ditina dangu, ni da vathu vangu, ni dotshe ditiko da Israyeli ni da Judha, madingano ni mapswi a dibhuku diya di nga manwa, nguko kuhenya ka Mkoma nga hombe txitimwi kwathu; nguko vatate vathu kha va pfisisa mapswi a Mkoma, hambi ku londeta ni ta timweto ti ti nga bhalwa, amu ka dibhuku diya.

Masalmo 37:14

Vobiha va swomola ditxhari dawe, ve domba wulaho, kasi kudaya txisiwana ni txikulungu, kasi kudaya avale va londetako nzila ya yinene.

Jeremiya 10:20

Ditenda dangu di hasamutwe, ni totshe tingoti tangu ti wikile. Vanana vangu va ni pfhukile, kha va ngaho; khangaho a ni gwimbelako ditenda dangu, ni kunawuluta mijiyo yangu.

Ezekhiyele 20:34

Kambe ni na mi thavisa hagari ka vathu, ni txi mi sengeleta ka matiko ale mi nga hangalaka ka ona, ngu dianza da mtamo, ni diwoko do nawulutwa, ni kuhenya ku nga theketwa.

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Dhewuteronome 32:22

Nguko mndilo wa txiviti txangu wu turisilwe, kambe wu na tura kala kuhokomani ka wukhalo wa vafi, kambe wu na tura wu txi tshokomisa mafu ni mihando ya ona ni makhato a mimango.

1 Samuwele 28:16

Sekoko Samuwele a to khene: Se u ni wotisela txani na wu txi ti wona taku Mkoma a ku lekile, ni ti to a mahile mlala wako kani?

Jobe 19:11

Txizimu txi mahile ti to ni hiswa ngu txiviti txa txona, txi ni veka ku nga no va mmweyo wa valala va txona.

Masalmo 7:13

txa xungameta tingove ta txona to tura. Txi lulamisile matxhari a txona o daya.

Jeremiya 42:18

Nguko a womba tiya Mkoma wa Mabutho a Tiyimbi, Txizimu txa Israyeli: Nga ti ku nga thekelisa tona kuhenya kwangu ni txiviti txangu ka vale va zumbako Jerusalema, ku na thekelisa toneto kuhenya kwangu txitimwi kwanu, aha ni no wulela Egipta; mi na maneka mi txi ruketelwa, txixamaliso, txinyenyeko, ni kutxhipiswa, kha mi na mbi wu wona kambe wukhalo wuwa.

Sidilo 1:13

Kukhukhela txitimwi, a rumete mndilo wu txi ta wulela marambuni kwangu; a ni riyete ngu mlawu e ni wisa ngu nyamsane dotshe ditshiku ni sate ni di dirumbini ni si nga ni kutsaka.

Sidilo 4:11

Mkoma Txizimu a hetisile kupandiseka kwakwe a kusute mndilo wa txiviti txakwe. Wu txi hisa m'ti wa Siyoni, wu txi hetisa ni makhato a wona.

Ezekhiyele 7:14

Va vetile mpundu, kambe sotshe va lulamisete, aniko kha nga ho wu ayako kulwani, nguko txiviti txangu txa tura txitimwi kwawe, ngu mtalo wawe.

Ezekhiyele 13:13

Ngu mhaka yeto Mkoma Txizimu a khene: Moya wo juja ngutu wu na bhanda diseta ngu kuhenya kwangu, kambe ma na wa mati a hombe ngu mu ka txiviti txangu, ni mabwinzi a hombe a maralala ngu mu ka kuhenya kwangu, kasi ku di tshokomisa.