Sidilo 2:16 - Bhiblia Yo Sawuleka

¹⁶ Votshe valala vako va asamile sisofu, ni ku kuveteta miloti, ve gegeresela makwasa Va txi kha vona: “He mkhawuliseni! Ditshiku diya i kale hi ti di verete, di hokile, ha di wona!”

Sidilo 2:16 Referans Kwoze

Masalmo 35:21

va asama ngutu sisofu sawe, ve womba kwangu va txi kha vona: “Athu hi ti woni ati u nga ti maha!”

Sidilo 3:46

Valala vathu votshe, va tute sisofu ve hi wukela.

Masalmo 56:2

Valala vangu va ni xanisa yotshe mbimo; mbavangi, awe Nyatxitimwi, avale va lwako ni nani.

Masalmo 37:12

M'thu wo biha a maha sikungo sa kuwukela awu i ku wam'nene a gegeresela makwasa akwe ngu kuhenyela ene.

Jeremiya 51:34

Nebhukodhonosori, mfumeli wa Bhabhilona, a ni vhandamulete, e ni ganyatela, a ni mahile txiya txa diphanga, a ni mitile nga mwamilambo, a tatile mrumbu wakwe ngu silo sangu sa sinene; a ni tshotshile hahanze.

Masalmo 124:3

vona nga va di hi mitile hi di ngadi hi txi hanya, ngu mhaka ya txiviti txi va nga ti natxo ngu ngathu;

Masalmo 35:16

Va ni randete va txi ni xowokisela; ve gegeresela makwasa ngu txiviti ni nani.

Masalmo 22:13

Va asama sisofu sawe, kufana ni tingonyamo ti bhongako vona va tula madomu awe kasi ku ni kakatxula.

Mithumo 7:54

Ku ti ngako va di pfite timhaketo ta Sitefani, va to henya ngutu timbiluni kwawe, se ve gegeresela makwasa, ngu txiviti nayo.

Hoseya 8:8

Israyeli a khadamutwe; konkuwa, hagari ka matiko a wonekisa ku nga txi maha txi txi si tsakisiko ni wammweyo.

Ezekhiyele 36:3

Ngu kumaha keto, profeta u txi khawe: Ngako va nga mi xasela ni ku mi randela, kasi ku mi txi mahwa thomba ya matiko ale ma nga sala, ni ku mi ku sisofuni ka vo biha, va makuhu,

Ezekhiyele 25:15

Mkoma Txizimu a khene: Nga kule Vafilista va nga phota, va txi phota ngu wubihi wa timbilu tawe, va txi fuvisa ngu wulala wa kwa mbi gwita,

Ezekhiyele 25:6

Nguko a womba tiya Mkoma Txizimu: U ti woni ti u nga pekisa tona manza, ni kuginga ngu mikondo, ni ti to u tsakile ngu mbilu, ka wotshe wubihi wako, u txi lwisa ditiko da ka Israyeli,

Ezekhiyele 25:3

Se i nda khawe ka vanana va ka Amoni: Engisani dipswi da Mkoma Txizimu: Mkoma Txizimu a khene: Ngako awe u nga khawe: Yowe! Yowe! Madingano ni nyumba yangu yo sawuleka, mbimo yile yi nga nyenyeziswa; ni mhaka ya ditiko da ka Israyeli, mbimo yile di nga xaselwa; ni mhaka ya va nyumba ya ka Judha, mbimo yile va nga yiswa wukhumbini;

Jeremiya 50:17

Nvuta yo mwalala ngene Israyeli; tingonyamo ti mtutumisile. Mfumeli wa Asiriya ngene a nga khata ku m'vhandamulela; se ngu magwito Nebhukodhonosori, mfumeli wa Bhabhilona, a to mfunya marambu.

Jeremiya 50:7

Votshe va va nga txi ti mana va dayete; se valala vawe va txi kha vona: Ni mnandu wumwewo kha hi na mbi wu mana; nguko va onhete Mkoma, amu kuzumbako kona wululamo; ina, Mkoma, i kuthemba ya tate wawe.

Isaya 49:19

Nguko siwulani kwako, ni marumbini kwako, ka ditiko dako do hoxotwa, u na ti wona, konkuwa u di kamilwe ngu vaaki, ni vale va nga ku kakatxula va na ya kule ni nawe.

Masalmo 112:10

M'thu wo biha, a txi na ti wona tiya, a na henya; a na gegeresela makwasa e ti sotela; Kunavela ka vathu vo biha ku na fuva.

Masalmo 109:2

Vathu vo biha ni vathu va makuhu va womba kubiha ngu ngani, va womba makuhu ngu ngani.

Masalmo 57:3

Txona txi na rumela txivhuno txa txona ngu nzumani txi txi ni hanyisa ka vale va lavako ku ni fuvisa; Txizimu txi na rumela lirando la txona ni ditshuri da txona.

Masalmo 41:8

“Wulwati wakwe mbwa kubiha; a nga thuke e wuka kambe ngu ha ditahoni ha a nga otela kona.”

Masalmo 35:25

Va nga thuke ve womba timbiluni kwawe va txi kha vona: “Hi tsakile! Hi mfuvisile!”

Jeremiya 29:18

Ni na va tutumisa ngu ditxhari, ni nzala, ni mtungu; ni na va maha ve thisa hagari ka yotshe mifumo ya mafu, veva txiruko, ni txidiwukiso, ni txisekiso, ni txixowokiso ka otshe matiko ni no va hangalasa ka ona;

Jeremiya 26:6

ani ni na maha ti to nyumba yiya yi txi nga Silo, ni didhoropa diya ni na di maha txiruko ka totshe tihunzu ta mafu.

Sidilo 1:21

Va tipfa to na kuma, aniko kha ni nga nayo wa ku ni xanguta. Votshe valala vangu ava va nga ziva kuxaniseka kwangu, va tsaka ngu ti u nga ni mahela; aniko u txi na wuyisa ditshiku dile u ngadi womba, ni vona va na fana ni nani.

Ezekhiyele 5:15

Se awule wa txisekiso ni wa txibwebwe, va na va vagondisi ni txixamaliso ka matiko ale ma nga kurandela, mbimo yile ni no kulamula ngu kuhenya ni txiviti, ngu sitsayiso sa txiviti.

Ezekhiyele 23:32

Mkoma Txizimu a khene: U na sela digombe da mkomwako do tshima ni kuanama; u na va txiruko ni txisekiso; nguko di tate ngutu.

Mika 4:11

Konkuwa ma sengeletanile matiko amangi me kuwukela, ma txi kha ona: A na nyenyeziswe, se maso athu ma na wona kunavela kwakwe txitimwi ka Siyoni.