Sidilo 2:13 - Bhiblia Yo Sawuleka

¹³ Awe Jerusalema, ni kuninga wufakazi wa txani kani? Ni nga kudinganisa ni mani awe mwanana wa dihorana wa Jerusalema kani? Ni nga kufananisa ni mani kasi ku kuthavelela awe wotuma wa Siyoni kani? Nguko txilonda txako nja hombe nga linene; i mani a no kukalamukisa kani?

Sidilo 2:13 Referans Kwoze

Sidilo 1:12

Kha ti pandisi tiya, kwanu motshenu mi pindako ngu nzila, kani? Emani, mi wonisisa, mwendo ku ni mpando wo nga wangu! Mkoma a nga ni tisela wona, ngu ditshiku da txiviti txa kupandiseka kwakwe.

Jeremiya 14:17

U na va gela, u txi khawe: Maso angu ma dila mirongo wusiku ni mitshikari, kha yi emi; nguko wotuma, mwanana wa vathu vangu a dayisilwe ka hombe, ni txilonda txa hombe txi thisako.

Jeremiya 8:22

Ina kha ku nga ni mrende Gileyadhi, mwendo kuwalo ñanga koneyo kani? Ngu txani koko, a nga mbi kalamukiswa mwanana wa txisikati wa vathu vangu kani?

2 Samuwele 5:20

Sekoko Dhavhidha a to tsula Bhahali-Perazimi, eya va dayela koneyo, Dhavhidha a txi khene: Mkoma a hangalasile valala vangu masoni kwangu, ku nga wule a hangalasako mati. Ngu kumaha keto, wukhalo wule a to wu dhana ku i Bhahali-Perazimi.

Dhaniyeli 9:12

Se ene a to tsanisa dipswi dakwe, dile a ngadi womba kwathu, ni ka valamuli vathu vale va nga ti lamula, ngu kutisa dikhombo da hombe txitimwi kwathu; ngu kumaha keto, mhaka yile yi nga humelela Jerusalema, kha yi khali kumaheka hahatshi ka yotshe nzuma.

Isaya 37:22

dipswi di a ngadi womba Mkoma madingano ni Senakeribhe, ngu diya: Mwanana wotuma wa dihorana wa Siyoni, wa kutxhipisa, kambe wa kupoyilela; mwanana wa muhorana wa Jerusalema wa zinginisa msungo msana kwako.

Masalmo 60:2

U dekadekisile mafu u txi ma bhandisela; tsivetela tufa ta ona, nguko ma khungumuka!

2 Vafumeli 19:21

Dipswi di a ngadi womba Mkoma ngu mhaka yakwe ngu diya: Wo tuma, mwanana wa Siyoni wa dihorana, wa kutxhipisa, wa kupoyilela; mwanana wa Jerusalema wa dihorana wa zinginisa msungo msana kwako.

Jeremiya 9:18

Va na kuluvete ve hi pekela huwa, kuva maso athu ma na humisa mirongo, ni mikohe yathu yi tala ngu mati!

Jeremiya 14:19

Ina u mlekete magwito Judha kani? Mwendo u ngava u di swirekile mbiluni ngu Siyoni kani? Ngu kutxani u nga hi pekisa ti to hi si sikoti ni kuthumwa kani? Hi ti verete kuthutha, aniko wunene kha wa woneka; Hi verete mbimo yo thumwa, na kuve kuthava kuho!

Ezekhiyele 32:31

Faro a na va wona, a txi tsaka ni dotshe dibutho dakwe; ina, ene Faro apune, ni dotshe dibutho dakwe, va nga dayelwa ngu ditxhari, kuwomba Mkoma Txizimu.