Sidilo 2:12 - Bhiblia Yo Sawuleka

¹² Va womba ka vamame vawe, va txi kha vona: “Yi hayi fulaho ni vhinya kani?” Mbimo yi va tsivalako nga va to dayiswa tinzilani ka didhoropa, va txi tshakunuta mimoya yawe ka vamame vawe.

Sidilo 2:12 Referans Kwoze

Ezekhiyele 30:24

Ni na ninga mtamo ka mfumeli wa Bhabhilona, se ni na veka ditxhari dangu manzani kwakwe; aniko ni na funya mawoko a Faro, se a na ketisa ku nga wule a dawako.

Isaya 53:12

Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

Jobe 30:16

Se konkuwa, moya wangu wu thekete; masiku a kuxaniseka ma ni talete.

Masalmo 42:4

Moya wangu wa dhudhumela, ngako ni txi alakanya, mbimo yi ni nga ti longoloka ni vale va nga ti ya Nyumbani ka Mkoma va txi peka mikulungwani ya kutsaka ni kubonga, ni kugiringa ka vathu va kutsaka.

Masalmo 62:8

Votshe va na themba txona Txizimu yotshe mbimo va txi txi dhumisa ngu yotshe mbilu! Txizimu mbuthavelo wathu!

Jeremiya 5:17

Vona va na dya siyalo sako ni dipawu dako; va na daya vafana vako ni sihoranana sako; va na dayela tinvuta tako ni tihomu tako, va na dya mivhina yako ni mixanvu yako. Madhoropa ako a mikhokhola awa u ma thembako, va na ma lovisa ngu ditxhari.

Sidilo 4:4

Lidimi li vamamako ngu lona, li namarela ngu ditora; vanana va kombela sakudya, aniko kuwalo wu a va ningako.

Isaya 51:20

Vanana vako va tsivate, va otete mahandakanyani ka totshe tinzila, kufana ni timhuti amu ka milawu; sekoko va tate ngu kuhenya ka Mkoma ni kukawuka ka Txizimu txako.

Sidilo 1:11

Votshe vathu vakwe va dila va txi lava sakudya; va xavisile tithomba tawe ngu kulava sakudya, kasi kuva txi wusa mitamo yawe; “wona Mkoma, wonisisa koko, a ti ni nyenyiswako tona.”