Sidilo 2:11 - Bhiblia Yo Sawuleka

¹¹ Maso angu ma karate ngu mirongo, moya wangu wu ha kukaratekani. Ni gumile mtamo ngu kupandiseka ngu mhaka ya kuloviswa muhorana wa vathu vangu; nguko va tsivala vafana ni timenzani to mama, magondoni ka didhoropa.

Sidilo 2:11 Referans Kwoze

Sidilo 1:20

Wona Mkoma, ati ni xanisekisako tona; moya wangu wu ha kukaratekani ngutu. Ni ha kupandisekani ka hombe ngutu, nguko ni ti lambisile ngutu. Hahanze kheya, ni dawetwe vanana ngu ditxhari; mndani kwangu ku ni lifo.

Sidilo 1:16

Se kona kuwa, ni dila ngu totshe ti ti nga ni humelela; maso angu kha ma emi kuhuma mirongo; awule a nga ti fanete ku ni malatela ni ku ni tsanisa a maneka kule ngutu ni nani; vanana vangu va hangalasilwe, nguko mlala a ni xute.

Jobe 16:13

Va jangeti va tingove va ni randete; txa ni fula titsho, txi si ni tsetsi; se nyongwa yangu yi thekela ha mafuni.

Jeremiya 4:19

Mbiluni kwangu, mbiluni kwangu! Ni ni kupandiseka mbiluni kwangu! Mbilu yangu ya bhibhika-bhibhika, kha ni sikoti kumalala; nguko dihika dangu di pfite txiwungulati txa mpundu, ni tihuwa ta tiyimbi.

Isaya 22:4

Ngu toneto, ni khani: Mi nga ni woneteleni, ni na dila ngu txiviti; mi nga karaleni ngu ku ni thavelela, ngu kuhaxulwa ka mwanana wa muhorana wa vathu vangu.

Masalmo 22:14

Ni fana ni mati ma thekelako; otshe marambu angu ma nguda-nguda. Mbilu yangu yi fana ni phula, ayi yi nyivilikako mndani kwangu.

Masalmo 6:7

Maso angu ma simba ngu kudila, ma kumbiswa ngu votshe valala vangu.

Luka 23:29

nguko ma nata masiku awa ku nota wombwa ti to va katekile vavasikati va i ku sifule, ni va va nga mbi veleka, ni va va nga mbi mamisa.

Jeremiya 44:7

Kona kuwa koko, Mkoma, Txizimu txa Mabutho a Tiyimbi, Txizimu txa ka Israyeli, a womba tiya: Ngu kota ya ku anu mi mahako kubiha ka hombe ku lwako ni mimoya yanu, kasi kulovisa vavamna ni vavasikati, ka vanana ni ka vale va mamako, hagari ka va ka Judha, mi txi mahela ti to ku si sali ni wammweyo.

Jeremiya 14:17

U na va gela, u txi khawe: Maso angu ma dila mirongo wusiku ni mitshikari, kha yi emi; nguko wotuma, mwanana wa vathu vangu a dayisilwe ka hombe, ni txilonda txa hombe txi thisako.

Jeremiya 8:19

Hi nga pfa dipswi da txidilo da mwanana wa txisikati wa vathu vangu, adi di humako ditikoni ka kule, di txi kha dona: Kasi Mkoma khangaho Siyoni kani? Ina Mkoma wakwe kha nga kwakwe kani? Ngu kutxani va nga vhinjukisa kuhenya kwangu ngu sifananiso sawe, ni sizimu sa vamatiko kani?

Masalmo 69:3

Na foma dipswi ngu kupeka huwa, mkolo wangu omile, wa panda; maso angu ma karala ngu kurinzela, Txizimu txangu!

Masalmo 31:9

Telwa ngu wumbilu ngu ngani, Mkoma, nguko na pandiseka; maso angu ma dokovela ngu kuxaniseka, kumweko ni moya wangu ni mmidi wangu.

1 Samuwele 30:4

Sekoko Dhavhidha ni vathu vale a nga ti navo va to pekeletela tihuwa ve dila, kala kuza ve guma mtamo wo dila.

Isaya 38:14

Ku nga mbeluvelu ni nyawukolwe, ni ti ti foma, ni keta kufana ni mmbaha wa txituvani, ni ti ti gula maso txitimwi; awe Mkoma, ni maneka kupandisekani! Ni lamulele.

Jobe 30:27

Mndani kwangu ku vhilukile, kha ku mani kuthutha; masiku a kuxaniseka ma ni jumile.

Masalmo 38:8

Ni rerekile, ni wite hahatshi ngutu; ni keta ngu mhaka ya kuxaniseka ka mbilu yangu!

Masalmo 119:82

Maso angu ma rinzela kuwona kutatiseka ka txithembiso txako se ani koko ni to khani: “U na ni thavelela yihi mbimo kani?”

Sidilo 5:17

Ngu toneto, ti tsivalisilwe timbilu tathu; kambe ni maso athu ma pfhupete.

Isaya 51:20

Vanana vako va tsivate, va otete mahandakanyani ka totshe tinzila, kufana ni timhuti amu ka milawu; sekoko va tate ngu kuhenya ka Mkoma ni kukawuka ka Txizimu txako.

Sidilo 1:11

Votshe vathu vakwe va dila va txi lava sakudya; va xavisile tithomba tawe ngu kulava sakudya, kasi kuva txi wusa mitamo yawe; “wona Mkoma, wonisisa koko, a ti ni nyenyiswako tona.”