Sidilo 2:1 - Bhiblia Yo Sawuleka

¹ Eto Mkoma a nga fenengetisa tona mwanana wa Siyoni wa dihorana kupandisekani kwakwe ngu marefu! A puluwundisile wudhumo wa Israyeli kukhukhela nzumani kala ha mafuni, kha alakanya txikhigelo txa mikondo yakwe; ka ditshiku da kuhenya kwakwe.

Sidilo 2:1 Referans Kwoze

Masalmo 132:7

A hi wuleleni nyumbani ko sawuleka ka Mkoma! A hi khizameni masoni ka txikhalo txakwe txa wukoma!

1 Makronika 28:2

Se mfumeli Dhavhidha a to khukha a txi ema, a txi khene: Ni engiseni vanathu, anu vathu vangu: Ni ti ni makungo mbiluni kwangu o aka nyumba yo humula ka yona dibhokiso da txitumelelano txa Mkoma, ni ya txikhigetelo txa mikondo ya Txizimu txathu, se ani ni ti ti lulamisete kuaka.

Luka 10:18

Ene a to va gela ku khene: “Ani ni woni Sathani a txi wa nga kukeluka ka nzuma.

Matewu 11:23

Se awe Kapernawume, u na guletwa u txi hokiswa nzumani kani? Lambi! U na txhikiswa diphalani ka vafi. Nguko sidiwukiso si si nga mahwa kwako, idiku si ti ko mahwa Sodhoma, didhoropa donedo ngadi ti ngadi ho kala nyamsi.

Joyeli 2:2

ditshiku da txidema ni kupandiseka, da marefu ni txidema txo hangalaka; ku nga wuronga wo hangalaka txitimwi ka mimango, mbathu va hombe va mtamo ngutu, ava kukhukhela ka kale, kha va khali ku nga vaho, hambi msana kwawe kha va na mbi vaho ka malembe matako, ka liveleko ni liveleko.

Ezekhiyele 30:18

Aniya Tafinesi ditshiku di na phuma, mbimo yi ni no funyeletela makange a Egipta, me guma matshanza a mtamo wakwe; direfu dokari di na fenengeta Egipta, se vanana vakwe vamahorana va na va wukhumbini.

Masalmo 99:5

Dhumisani Mkoma, Txizimu txathu; khizamani masoni ka txikhalo txakwe txa wukoma. Nguko Mkoma a Sawulekile!

Luka 10:15

Awe Kapernawume, u na guletwa nzumani kani? Lambi! U na reletwa hahatshi Diphalani ka vafi.

Ezekhiyele 24:21

I nda khawe ka nyumba ya ka Israyeli: Mkoma Txizimu a khene: Wonani taku ni na nyenyezisa nyumba yangu yo swuleka, i ku wudhumo wa kutsaniswa kwanu, ni kunavela ka maso anu, ni kutsaka ka mihefemulo yanu; se vanana vanu va mazambi ni vamahorana vale mi nga va siya, va na dawa ngu ditxhari.

Sidilo 4:1

Hi nga wona ati nzalama yi nga khurumbelisa tona, yi luzeketwe ngu kudikha ka yona! Marigwi a wukhalo wo sawuleka, ma hangalasilwe kotshe mabhudhulani.

Sidilo 1:1

Hi nga wonani txiwunda txa didhoropa dileya, adiya kale di nga ti ti ni vathu votala! Se konkuwa di hundukile nga noni adi i nga ti da hombe hagari ka matiko; ni mfumeli wa txisikati ka sidhoropana, di hundukile di txi maha m'dihi wa resa.

Isaya 64:11

Nyumba yathu yo sawuleka ni wudhumo, yile vatate vathu va nga txi kudhumisa ka yona, yi hisilwe; ni sotshe simaha sathu so dhundeka ngutu si xasetwe.

2 Samuwele 1:19

Ah! Kutshura ka Israyeli! Ni xasetwe mimangoni kwako; eto ti nga wisa tona tindena!

1 Samuwele 4:21

Aniko a to raya mfana ditina daku i Ikabho, a txi khene: “Wudhumo u khukhile ka Israyeli, ngu kule dibhokiso da Txizimu di nga ti tekilwe, ni ngu mhaka ya kufa ka masale wakwe ni ka mwamna wakwe.”

Sidilo 2:17

Mkoma Txizimu a hetisile makungo akwe, a mahile ngu ha a nga womba ngu kona; a kha hindula makungo akwe a kale. A hasute, asi divaleli, a tsakisile valala ngu kuwa kwako a txi va engetela mtamo.

Ezekhiyele 19:12

Aniko wu to dulwa ngu txiviti, wu txi wiswa hahatshi, moya wa wutxani wu to omisa mihando ya kona; tindonga ta kona to banga ti to funyeka ti oma, ti txi tshokomiswa ngu mndilo.

1 Samuwele 4:22

Se a to khene kambe: Wudhumo wa Israyeli wu ñotwe, nguko dibhokiso da Txizimu di tekilwe.

Masalmo 89:45

U komisile masiku a wuphya wakwe; u mfenengetile ngu tingana.

Jeremiya 30:14

Votshe va va kurandako va ku divate, kha va ku khataleli. Nguko ni ku dayisisile ku nga wo va mlala, ngu txitsayiso txa timbiti; ngu kukula ka wubihi wako, ni wungi wa sionho sako.

Sidilo 1:12

Kha ti pandisi tiya, kwanu motshenu mi pindako ngu nzila, kani? Emani, mi wonisisa, mwendo ku ni mpando wo nga wangu! Mkoma a nga ni tisela wona, ngu ditshiku da txiviti txa kupandiseka kwakwe.

Sidilo 4:11

Mkoma Txizimu a hetisile kupandiseka kwakwe a kusute mndilo wa txiviti txakwe. Wu txi hisa m'ti wa Siyoni, wu txi hetisa ni makhato a wona.

Ezekhiyele 13:13

Ngu mhaka yeto Mkoma Txizimu a khene: Moya wo juja ngutu wu na bhanda diseta ngu kuhenya kwangu, kambe ma na wa mati a hombe ngu mu ka txiviti txangu, ni mabwinzi a hombe a maralala ngu mu ka kuhenya kwangu, kasi ku di tshokomisa.