Sidilo 1:9 - Bhiblia Yo Sawuleka

⁹ Nzambwa yakwe yi mu ka syambalo sakwe; kha za a di alakanyile ngu magwito akwe; ngu toneto, kuwa kwakwe kuvite ka hombe ngutu. A pwata ni mmalateli: “Wawo, Mkoma, kuxaniseka kwangu! Nguko mlala wa ti guleta!”

Sidilo 1:9 Referans Kwoze

Dhewuteronome 32:29

Idiku va txharihile, nga va txi ti pfisisa, nga va txi ziva kupimisa ta mangwana ni ta magwito awe!

Isaya 47:7

Se u ti ti khawe: “Ni na va mfumeli wa txisikati yotshe mbimo”; kala kuwa khwa veka timhaka tiya mbiluni kwako, hambi kualakanya magwito a tona.

Sidilo 1:17

A guletile mawoko akwe Siyoni a txi khongela: Aniko kha ku nga ni wo mthavelela; Mkoma a rumile tito, ava va nga gwatama ni Israyeli ve va valala vakwe; Jerusalema a fana ni nzambwa yo nyenyeza.

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.

Masalmo 25:18

Wona kupandiseka kwangu ni kuxupheka kwangu u txi ni divalela sotshe sionho sangu.

Zefaniya 2:10

Eto ti nava hakhelo ya kutikulisa kwawe, nguko va ruketete ni kutikulisa txitimwi ka vathu va Mkoma wa Mabutho a Tiyimbi.

Jeremiya 48:26

Mleviseni nguko a ti kulisile masoni ka Mkoma; Mowabhi a na tshumelela ka makosa akwe, se ene a na xaniswa.

Jeremiya 2:34

Mirungoni ka txyambalo txako kumaneka mnoha wa sisiwana asi si singako ni mnandu, ava u nga mba va mana va txi dhoda nyumba yako. Aniko u va date, nguko u dhunda ta ku nga toneto.

Isaya 3:8

Nguko Jerusalema a khavilwe ni ditiko da Judha di wite, nguko lidimi lawe ni mithumo yawe silwa ni Mkoma, ve sola wudhumo wakwe.

Masalmo 119:153

Wona kuxaniseka kwangu, u ni txhatxhisa, ina nguko kha na divala mlayo wako.

1 Pedro 4:17

Nguko yi hokile mbimo ya kukhata ngu Nyumba ya Txizimu yi txi lamulwa. Se ngako ku txi khatwa ngu ngathu njiavelo muni va nota txi mana ava va si engisiko Evhangeli ya Txizimu, kani?

Johani 11:19

Vajudha vavangi va tile ka Marta ni Mariya, kasi kuya va thavelela, ngu mhaka ya kufa ka ndiyawe.

Hoseya 2:14

Wonani taku, ani ni na mndinda, ni m'yisa txiwulani, ni ya womba-womba mbiluni kwakwe.

Sidilo 4:1

Hi nga wona ati nzalama yi nga khurumbelisa tona, yi luzeketwe ngu kudikha ka yona! Marigwi a wukhalo wo sawuleka, ma hangalasilwe kotshe mabhudhulani.

Sidilo 2:13

Awe Jerusalema, ni kuninga wufakazi wa txani kani? Ni nga kudinganisa ni mani awe mwanana wa dihorana wa Jerusalema kani? Ni nga kufananisa ni mani kasi ku kuthavelela awe wotuma wa Siyoni kani? Nguko txilonda txako nja hombe nga linene; i mani a no kukalamukisa kani?

Sidilo 1:21

Va tipfa to na kuma, aniko kha ni nga nayo wa ku ni xanguta. Votshe valala vangu ava va nga ziva kuxaniseka kwangu, va tsaka ngu ti u nga ni mahela; aniko u txi na wuyisa ditshiku dile u ngadi womba, ni vona va na fana ni nani.

Jeremiya 50:29

Bhabhilona mu rambeleni vamatiko votshe va va dombako malaho; vekani mazumbo anu madhawani kwakwe, ku nga huluke ni wammweyo; a na tshumetelwe madingano ni mthumo wakwe, nga tona tile a nga maha, mmaheleni toneto, nguko a wukete Mkoma ngu ku ti gwilikisa, a wukete wo Sawuleka wa Israyeli.

Jeremiya 16:7

Kambe kha nga ho a no phamelwa m'baba wa txidilo, kasi ku mmalata ngu mhaka ya kufelwa; kambe kha na mbi hiwa dijingo do mthavelela ngu mhaka ya tate wakwe, mwendo mwamwakwe.

Jeremiya 13:27

Ni wonile wugango wako, ni kudila ka kunavela kwako, wugango wako wo phindeletisa, amu mimangoni ni mu tithembweni. Dikhombo kwako Jerusalema! U na verela kala yihi mbimo na u si basiswi kani?

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Isaya 54:11

Awe u xaniswako, u tsayiswa ngu sihuhuri, u si thaveleleki! Wona taku ani ni na veka marigwi ako, ni sotshe sitshuriselo, kambe ni na kutsanisa txitimwi ka masafira.

Isaya 40:2

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da Mkoma.

Isaya 37:29

Ngu mhaka ya ku ni henyela kwako, niku kutithemba kwako ku pfate tinzeveni kwangu, wona taku, ni na vekela tximemba txangu thonvuni kwako, ni matomu angu txisofuni kwako, ni kutshumeta ngu nzila yi u ngata ngu yona.

Isaya 37:23

U sote mani, niku u ruketete mani kani? Niku u kwangute u txi wukela mani, kambe u gulete mani maso kani? U wukete Msawuleki wa Israyeli!

Isaya 37:17

Namisa nzeve yako awe Mkoma, u engisa; tula maso Mkoma u wona; kambe pfana otshe mapswi a Senakeribhe, ale a nga ma rumela ku ta sola Txizimu txa kuhanya.

Isaya 37:4

Ina Mkoma, Txizimu txako, a ngava a di ma pfite mapswi a Rabhisake, wule a nga rumwa ngu nyamne wakwe, i ku mfumeli wa Asiriya, ku ta sola Txizimu txa kuhanya, ni ku ta txhipisa ngu mapswi awa Mkoma, Txizimu txako, a nga ma engisa; khongelela sotshe sile si nga sala.”

Masalmo 140:8

Mkoma, vathu vo biha u nga va ninge asi va si lavako; u nga tumele ti to makungo awe o biha meya masoni.

Nehemiya 9:32

Konkuwa koko, awe Txizimu txathu, awe Txizimu txa hombe, txa mtamo ni kuthisa, txi xayisako txitumelelano ni wunene, yi nga maneke i di yidotho yotshe xomulo yi yi nga hi hokela, ni vafumeli vathu, ni vathangeli vathu, ni vaphaxeli vathu, ni vaprofeti vathu, ni vatate vathu, ni votshe vathu vako, kukhukhela ka masiku a vafumeli wa va Asiriya, kala ka ditshiku da nyamsi.

2 Vafumeli 14:26

Nguko Mkoma a woni to kuxaniseka ka Israyeli i ti ti ko nemela ngutu, kambe ku si nga ho kuhambana ka wo sungwa ni wo txhatxheka, hambi wo vhunetela Israyeli.

2 Samuwele 16:12

Mkoma a na wona kuxaniseka kwangu, se e ni ninga kuthutha ngu mhaka ya kuruketela kwakwe ka nyamsi.

1 Samuwele 1:11

Se a to maha txixambanyo, a txi khene: Awe Mkoma wa Mabutho a Tiyimbi! Ngako ngu ditshuri u txi wona kuxaniseka ka txithumi txako, se u ni alakanya, kambe u si divali txithumi txako, aniko u ninga txithumi txako mwanana wa mfana, ni na mningela ka Mkoma masiku otshe a kuhanya kwakwe, ha msungo kwakwe kha ku na mbi pinda limo.

Dhewuteronome 32:27

Aniko ni thavile kurukwa ngu valala vawe, nguko va na ti kulisa, va txi kha vona: “Manza athu ngu ona ma nga humelela, hi nga Mkoma a nga maha toshe tiya!”

Dhewuteronome 26:7

Sekoko hi to peka huwa, ka Mkoma, Txizimu txa vatate vathu; se Mkoma a engisile dipswi dathu, e wona wukhumbi wathu, ni mithumo yathu ni kuxupheka kwathu.

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

Eksodha 3:17

Ngu mhaka yeto, ani ni khani: Ni na mi thusa mu kuxuphekani ka Egipta mi txi ya ditikoni da Vakanana, Vaheti, da Vaamori, da Vaferezi, da Vahevi ni da Vajebhusi ka ditiko di di khulungako masi ni wulombe.

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Masalmo 69:21

Va ni ningile nyongwa, yi maha sakudya sangu mbimo yi ni nga pfa ditora, va ni ningile vhinagre.

Isaya 51:19

Timhaketo tatimbidi ti na kuhumelela; i mani a no kupfela wusiwana kani? Kuhaxotwa, ni kuloviswa, ni nzala, ni ditxhari! Ni na ku thavelelisa kutxani kani?

Sidilo 5:1

Khumbula awe Mkoma, a tile ti nga hi humelela: Wona tingana tathu.