Sidilo 1:2 - Bhiblia Yo Sawuleka

² Didhoropa da Jerusalema di simama di txi dila ni wusiku; mirongo ya dona yi pyololoka khoheni ka dona; kha di nga ni mmalateli ka sotshe sirandwa sa dona; votshe vangana va dona va di lekile ve maha valala va dona.

Sidilo 1:2 Referans Kwoze

Masalmo 6:6

Ni karate ngu kudila. Wusiku ni wusiku ni nakanisa m'bhedhu wangu ngu mirongo ni tata ngu mirongo, txikhigelo txangu.

Mika 7:5

Mi nga kholweni ka mngana, hambi kuthemba mthangeli wanu; tsivela wule a otelako hakhana kwako, bundamisa txisofu txako.

Sidilo 1:21

Va tipfa to na kuma, aniko kha ni nga nayo wa ku ni xanguta. Votshe valala vangu ava va nga ziva kuxaniseka kwangu, va tsaka ngu ti u nga ni mahela; aniko u txi na wuyisa ditshiku dile u ngadi womba, ni vona va na fana ni nani.

Sidilo 1:19

Ni dhani vale va nga ti ni dhunda, aniko va ni kanganyisile; vaphaxeli vangu ni madhota angu va gumile amu didhoropani, mbimo yi va nga ti lava sakudya, so va txi wuseta mitamo yawe.

Sidilo 1:9

Nzambwa yakwe yi mu ka syambalo sakwe; kha za a di alakanyile ngu magwito akwe; ngu toneto, kuwa kwakwe kuvite ka hombe ngutu. A pwata ni mmalateli: “Wawo, Mkoma, kuxaniseka kwangu! Nguko mlala wa ti guleta!”

Jeremiya 30:14

Votshe va va kurandako va ku divate, kha va ku khataleli. Nguko ni ku dayisisile ku nga wo va mlala, ngu txitsayiso txa timbiti; ngu kukula ka wubihi wako, ni wungi wa sionho sako.

Jeremiya 13:17

Aniko mi si engisi, ni na dila txihunjani ngu mhaka ya wugwili wanu, maso angu ma na dila ngutu, me humisa mirongo, nguko vathu va Mkoma va yiswa wukarawani.

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!

Jeremiya 4:30

Konkuwa koko, u na maha txani, awe u nga hasamulwa kani? Hambi u txi ambala txiwunguwungu, u txi ti bombisa ngu wukhetikheti wa nzalama ni kungako u txo penda maso ako ngu Antimoniya, wo ti bombisela walo. Sigango sako sa kunyenya, si lava ku kudaya.

Masalmo 31:11

Ni m'thu wa kurukwa ngu valala vangu ni va akelani, na nyenywa ngu vale ni zivanako navo. Avale va ni wonako hanzila va ni thava.

Mtuletelo 17:16

Titxheho ti ta digumi u nga ti wona kumweko ni txikalani, si na vengela wu wa digelegele, si na mtshambula tinguwo, si mu leka i di tximbwiri; si na dya nyama yakwe, si mu hisa ngu mndilo,

Mtuletelo 17:13

Vafumeli vava va na ni kupima kumweko: Kuningela wufumeli wawe ni wukoma wawe ka Txikalani.

Hoseya 2:7

Se a na londeta sigango sakwe, aniko kha na mbi si manela; a na si lava aniko kha na mbi si mana. Sekoko a na khene: “Ni na tsula, ni tshumelela ka mwamna wangu wo khata, nguko kona ni ti tshuko kupinda kuwa.”

Ezekhiyele 16:37

wona taku ni na sengeleta sotshe sigango sako, asile u nga patana naso, ni votshe vale u nga va randa, ni votshe vale u nga va nyenya, ni na va tshanganisa va txi kurandela ve kuwukela, ni na kombisa wumbwiri wako masoni kwawe, kasi kuve wona wumbwiri wako wotshe.

Sidilo 2:11

Maso angu ma karate ngu mirongo, moya wangu wu ha kukaratekani. Ni gumile mtamo ngu kupandiseka ngu mhaka ya kuloviswa muhorana wa vathu vangu; nguko va tsivala vafana ni timenzani to mama, magondoni ka didhoropa.

Jeremiya 3:1

Vona va kha vona: Ngako wamwamna a txi tovela msikati wakwe, eyo wamsikati e ti tsulela, eya tekwa ngu mmwani wa wamwamna, ina mwamna wakwe wo khata a nga mtshumelela kambe kani? Ditiko edo kha di na mbi bihiswa ngu kumaha eto kani? Aniko awe, u nga hungala ni sigango so tala, ina u na tshumelela kwangu, kuwomba Mkoma.

Mavingu 19:7

Votshe vanawe va txisiwana va txi nyenya; ngutu-ngutu vangana va txona, va na tshuketela kule! Txa va londeta ngu kututuma txi va dhana, aniko kha va txi vhuni ngu txilo.

Jobe 7:3

ngu mhaka yeto, ni ningilwe mitxima ya wukanganyisi kuva thomba yangu, kambe ni ningilwe wusiku wa xomulo.

Jobe 6:15

Vanathu va ni amukete ngu wuviyaku, va nga txinambwana, nga mati a sinambwana maphwako.

Masalmo 126:5

Avale va phayako va txi dila mirongo va na elula ngu kutsaka.

Jeremiya 2:25

Thela kota ti to mkondo wako wu si mwalalelwi ngu kathula, ni mkolo wako ti to wu mana ditora! Aniko u khawe: “Wa ti karata walo! Nguko ni randa sizimu sa vamatiko ni nga txi na si londetela.”

Masalmo 69:21

Va ni ningile nyongwa, yi maha sakudya sangu mbimo yi ni nga pfa ditora, va ni ningile vhinagre.