Sidilo 1:15 - Bhiblia Yo Sawuleka

¹⁵ Mkoma a txhipisile totshe tindena tangu hagari kwangu; a sengeletile vathu vo talwa ni majaha angu a ni kandetete a txi nga o suka mauvha ha libangani, ani ni ku dihorana da Judha.

Sidilo 1:15 Referans Kwoze

Malakiya 4:3

Se mi na kandetela vabihi, nguko va na maha dikhuma hahatshi ka mikondo yanu, ka ditshiku dile ni no maha eto, kuwomba Mkoma wa Mabutho a Tiyimbi.

Isaya 63:3

Ani nokha ni to suka dipipani, se ka vathu kha ngaho a nga ti ti ni nani; se kuhenyani kwangu ni to va suka, ni ku va phwarasela ngu txiviti txangu; se mnoha wawe wu to ndakela syambalo sangu, ni nzihatisa sotshe syambalo sangu.

Isaya 28:18

Se txitumelelano txanu ni lifo, txi na guma; ni txitumelelano txanu ni wukhalo wa vafi, kha txi na mbi timisela. Mbimo yile ndambi ya txitsayiso yi no pinda, sekoko mi na fumwa ngu Mkoma.

Mtuletelo 19:15

Ngu mkanani kwakwe kuhuma ditxhari do lotwa kasi kuwila mifumo ngu dona. Ngene a no yi gola ngu ndonga ya simbi ya wukoma: Ngene a no rukuta nzeka ya vhinya ya kuhenya ko thisa ka Txizimu txa mtamo wotshe.

Vahebheru 10:29

Se, ngu toneto, mi alakanya txani ngu txitsayiso txa hombe, atxi a no txi mana wule a nga kanyisa Mwanana wa Txizimu, asi khatali txilo ngu mnoha wa txitumelelano, awu a nga sawulekiswa ngu wona, se a txi tshumela e ruketela Moya wa makatekwa, kani?

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Mika 7:10

Se mlala wangu wa txisikati a na ti wona eto, se a na fenengetwa ngu pfilu-pfilu, awu a ku khene: Ahayi Mkoma, Txizimu txako kani? Maso angu ma na mu wona a txi kadetelwa, kufana ni madhaka a tiruwani.

Dhaniyeli 3:13

Sekoko Nebhukodhonosori, ngu kuhenya ni txiviti, a to rumela kuya dhana Xadrake, ni Mixake, ni Abhedhi-Nego. Se vavamna vava va to tiswa masoni ka mfumeli.

Sidilo 3:34

Kukandetela ngu mikondo Totshe tikhumbi ta ha mafuni;

Jeremiya 51:34

Nebhukodhonosori, mfumeli wa Bhabhilona, a ni vhandamulete, e ni ganyatela, a ni mahile txiya txa diphanga, a ni mitile nga mwamilambo, a tatile mrumbu wakwe ngu silo sangu sa sinene; a ni tshotshile hahanze.

Jeremiya 50:26

Ngonani mi txi ta lwa nayo, anu va magwito ka ditiko, tulani sisangala sakwe, mtshanzuketeleni e maha tinyanda, mi txi mkhundumusela e guma, a nga salelwe ngu txilo.

Jeremiya 37:10

Nguko hambi i ti ku mi ti ko tshinda yotshe yimbi ya Vakaldheya va va mi wukelako, na ku ti sate dwe vo dayiswa, mmweyo ni mmweyo wawe a ndi na huma ngu ditendani kwawe, a txi ta hisa didhoropa diya.

Jeremiya 18:21

Ngu konaho ningela vanana vawe nzalani, u va henjeleta kudawani ngu ditxhari; vasikati vawe va na felwe ngu vanana, ni kuva tinoni. Vamna vawe va na dawe ngu mtungu, ni mazambi awe ma na dawe ngu ditxhari kulwani.

Jeremiya 14:17

U na va gela, u txi khawe: Maso angu ma dila mirongo wusiku ni mitshikari, kha yi emi; nguko wotuma, mwanana wa vathu vangu a dayisilwe ka hombe, ni txilonda txa hombe txi thisako.

Isaya 41:2

I mani a nga wusa mlulami ngu Wutxani, e m'dhana eta hafuhi kwakwe kani? I mani a nga ningela matiko masoni kwakwe, ni ku mmaha e khozisa vafumeli kani? A va ningete ka ditxhari dakwe, va txi nga lithulu, va txi nga lingove lo pengiswa ngu moya, ka wulaho wa lona.

Isaya 5:5

Konkuwa koko, na mi gela ti ni no maha, ka thembwe yangu ya m'vhinya: Ni na thavisa libhingo la yona, yi na maha lihawu; ni na khundumusa diseta da kona, di na kandetelwa.

Masalmo 119:118

Awe wa va nyenya votshe vale va hambanako ni milayo yako, nguko mipimiso yawe nja wukanganyisi.

2 Vafumeli 9:33

Sekoko Jehu a to khene: Mrinzeni eyo wamsikati ngu koneho. Se va to mrinza hahatshi, diseta ni mahantxhi si to txabwaketelwa ngu mnoha wakwe, se Jehu a to m'ganyatela.

Valamuli 10:8

Se ka dona edo dilembe, va to xupha ni kuxanisa vanana va ka Israyeli; va va xanisile mndani ka digumi da malembe ni mtxhanu ni mararu, votshe vanana va ka Israyeli, avale va nga ti akile mtxhatuko ka Jordhani, ditikoni ka Vaamori, kona Gileyadhi.

Dhewuteronome 28:33

Mihando ya thembweni kwako ni ya mithumo yako yotshe, yi na dyiwa ngu vathu vale u si va ziviko, kambe awe u na xaniswa u txi xuphwa otshe masiku.

Jeremiya 6:11

Ngu konaho, ni taletwe ngu kuhenya ka Mkoma. Ni karate ngu ku ti ñola. Tshakunuta kuhenya txitimwi ka vanana amu tinzilani ka hombe, ni txitimwi ka tisengeletano ta majaha, mwamna ni msikati va na ñolwa kumweko, txikosana ni wule a nga talelwa ngu masiku.

Jeremiya 13:24

Ngu konaho, ni na va hangalasa kufana ni mthungu awu wu huhiswako ngu diphuho da mu txiwulani.

Joyeli 3:13

Rinzani disikela nguko timbewu ti vitilwe; ngonani, relelani, nguko dipipa di tate ni mapipa ma thekelela; nguko wubihi wawe mbwa hombe.

Sidilo 2:21

Mazambi ni vathu vahombe va mwalate, ha lithuluni ka magondo. Majaha ni votuma vangu, va datwe ngu matxhari. Ditshiku dile u nga ti henyile, u txi dayela u si divaleli.