Sidilo 1:14 - Bhiblia Yo Sawuleka

¹⁴ Ngu dianza dakwe a sungelete nyanda ya sionho sangu e si sungelela hamakata kwangu, nga dikange; Mkoma a emisile mitamo yangu se a txi ni ningela ka valala vangu; se na tandeka kukhukha ni txi ema.

Sidilo 1:14 Referans Kwoze

Isaya 47:6

Ni va henyete ngutu vathu vangu, ni nyenyezisile thomba yangu, se ni va ningete manzani kwako; khwa va pfela wusiwana, hambi txitimwi ka sikosana, u nemetile ngutu dikange dako.

Dhewuteronome 28:48

Na nawe u na khozela valala vako, avava Mkoma a no va rumela, kasi ku ta kuwukela u di ni nzala, ni ditora, ni wusakato, ni kupwata sotshe; a na va ruma va txi sanzeka dikange da simbi thamoni kwako, kala u txi loviswa.

Ezekhiyele 25:7

wona taku ni na nawuluta dianza dangu ni txi kulwisa, se ni na kuningela u handwa ngu matiko, ni txi ku dula hagari ka matiko, kambe ni na kuhasamula hagari ka matiko; se u na tiziva ti to ani ngani Mkoma.

Ezekhiyele 25:4

wona taku ni na kuningela uva thomba ya va Wutxani, va na tsanisa mazambo awe kwako, ve aka tinyumba tawe kwako; va na dya mihando yako, ve sela masi ako.

Jeremiya 28:14

Nguko Mkoma wa Mabutho a Tiyimbi, Txizimu txa Israyeli, a khene: Ni sanzekile dikange da txikete txitimwi ka tithamo ta otshe matiko awa, ti taku me thumela Nebhukodhonosori, mfumeli wa Bhabhilona, va na mthumela. Ni mningile ni sihari sa txitinga.

Mavingu 5:22

Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

Hoseya 5:14

Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.

Ezekhiyele 23:28

Nguko Mkoma Txizimu a khene: Wona taku ni na kuningela manzani ka vale u va nyenyako, i ku manzani ka vale moya wako wu nga ti ti hambanile navo.

Ezekhiyele 21:31

Kambe ni na tshakunuta txitimwi kwako kuhenya kwangu, ni na futeta kwako mndilo wa kuhenya kwangu, ni txi kuningela manzani ka vavamna va sigevenga, i ku vanyamne va wuhasamuli.

Ezekhiyele 11:9

Se ni na mi humisa didhoropani, ni txi mi ningela manzani ka vamwani vathu, kambe mi na londeta kulamula kwangu hagari kwanu.

Jeremiya 37:17

mfumeli Zedhekiya a to rumela kuya m'humisa, se mfumeli a to m'dhana ngu txihunja nyumbani kwakwe, a txi khene: Ina di nga vaho dipswi ngu ka Mkoma kani? Jeremiya a to xamula, a txi khene: Diho. E engeta a txi khene: Awe u na ningelwa manzani ka mfumeli wa Bhabhilona.

Jeremiya 32:5

a na yisa Zedhekiya aniya Bhabhilona, a na ya zumba kona kala ni txi mu endela, kuwomba Mkoma. Ngako mi txilwa ni Vakaldheya ina kha mi na mbi humelela kani)?

Jeremiya 27:12

Se tona timhaketo, ni ti wombile ka Zedhekiya, mfumeli wa ka Judha, ni txi khani: Wuletani tithamo tanu amu ka dikange da mfumeli wa Bhabhilona; mi na hanya ngako mi txi mthumela ni vathu vakwe.

Jeremiya 27:8

Ni dihi ditiko mwendo mfumo wuwa wu no lamba kukhoza ka Nebhukodhonosori, mfumeli wa Bhabhilona, va no lamba ku namisa tithamo tawe hahatshi ka dikange da mfumeli wa Bhabhilona, ni na peka ditiko edo ngu ditxhari, ni nzala, ni mtungu, kuwomba Mkoma, kala ni txi di bhi, ngu diwoko dakwe.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Isaya 14:25

Ni na khundumusa Asiriya amu ditikoni kwangu, ni mkandetela ngu mikondo amu ka mimango yangu, kasi ku dikange dakwe di na maneka kule navo, ni mrwalo wakwe wu na habukiswa ha makata kwawe.

Jeremiya 28:13

Tsula u txi ya gela Hananiya, u txi khawe: Mkoma a khene: U funyetete dikange da mndonga, aniko wukhaloni ka dona u na va ni dikange da txikete.

Jeremiya 32:3

Nguko Zedhekiya, mfumeli wa ka Judha, a ti ti msekete, a txi khene: U profetela txani u txi khawe: Mkoma a khene: Wona taku na ningela didhoropa diya manzani ka mfumeli wa Bhabhilona, se ene a na di teka;

Mika 2:3

Ngu toneto, Mkoma a khene: Wonani taku ni na yisa wubihi ka liveleko liya, ka lona kha mi na mbi thavisa tithamo tanu, se kha mi na mbi tsimbila ngu matshanza, nguko mbimo yi na va yi di bihile.