Sidilo 1:13 - Bhiblia Yo Sawuleka

¹³ Kukhukhela txitimwi, a rumete mndilo wu txi ta wulela marambuni kwangu; a ni riyete ngu mlawu e ni wisa ngu nyamsane dotshe ditshiku ni sate ni di dirumbini ni si nga ni kutsaka.

Sidilo 1:13 Referans Kwoze

Habhakuki 3:16

Ni di ti engisile ani, mndani kwangu kudhuka, ngu dipswi dakwe txisofu txangu txi dhudhumete; kuwulete kusina marambuni kwangu, se ni dhudhumela mndani kwangu; na humula ani ka ditshiku do pandiseka, ngako ni txi nata lwa ni vathu vale va nota hi hoxota.

Jobe 30:30

Didhowo dangu di to nzihala, ni marambu angu ma hisilwe ngu lisani.

Ezekhiyele 17:20

Ni na riyela m'thu ngu milawu yangu, se a na bzetwa ngu mlawu wangu; kambe ni na mtsulisa Bhabhilona, eyo ni no ya mlamula kona, ngu mhaka ya ku a nga ni wukela.

Masalmo 22:14

Ni fana ni mati ma thekelako; otshe marambu angu ma nguda-nguda. Mbilu yangu yi fana ni phula, ayi yi nyivilikako mndani kwangu.

Jobe 19:6

Ti ziveni nkonku taku, Njizimu txi nga ni poyila, se txi ni ranganyeta ngu likoka la txona.

Vahebheru 12:29

Nguko, Txizimu txathu, i mndilo wu wu hisako.

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Ezekhiyele 12:13

Kambe ni na mu riyela ngu mlawu, a na bzwetwa ngu mlawu wangu; se ni na mtsulisa Bhabhilona, ditikoni ka Vakaldheya, aniko kha na mbi di wona, hambiko a no ya fela kona.

Masalmo 66:11

U hi lekile hi txi wa ha mlawuni; u hi rwekile mrwalo wo nemela ngutu.

2 Vatesalonika 1:8

a di ha mdhikilani ka mndilo, kasiku e pharela ka vale va si txi ziviko Txizimu, ni ka va va si engisiko Evhangeli ya Mkoma wathu Jesu.

Hoseya 7:12

Mbimo yile va no tsula, ni na gwimba likoka langu txitimwi kwawe, se ni va txhikisa ngu lona kufana ni sinyana sa nzumani; ni na va tsayisa, madingano ni ti va tolovelako ku tipfa ka msengeletano wawe.

Ezekhiyele 32:3

Mkoma Txizimu a khene: Ngu tona eto, ni na gwimba likoka langu txitimwi kwako ni msengeletano wa vathu votala, va na ku kwelisa ka likoka langu.

Sidilo 5:17

Ngu toneto, ti tsivalisilwe timbilu tathu; kambe ni maso athu ma pfhupete.

Sidilo 1:22

Wu nata wotshe wubihi wawe masoni kwako, se va mahe ti u nga ni maha, ngu mhaka ya sionho sangu. Nguko sidikwi sangu nza singi, ni mbilu yangu ya panda ngutu.”

Jeremiya 44:6

Ku thekete koko, kuhenya kwangu ku txi tura txitimwi ka madhoropa a Judha, ni mu ka tinzila ta hombe ta Jerusalema; ona ma to maneka i ti siwula ni sihala nga ti ma wonekisako tona nyamsi.

Isaya 42:17

Va na tshumelela msana se va na wa tingana avale va thembako sithombe so vatwa, va ku kha vona ka sithombe so wumbwa: Anu mi sizimu sathu.

Masalmo 129:5

Va na tale ngu tingana ve hingwa votshe valala va Siyoni!

Masalmo 35:4

Va na thelwe tingana avale va lavako ku ni daya; va na thave va di kanganyisekile avale va ni pimiselako kubiha.

Masalmo 31:10

Ni hanya wutomi wangu ngu kuxaniseka, malembe a wutomi wangu ma pinda ni di kuxuphekani. Kupandiseka ka heta mitamo yangu; mmidi wangu wa goma.

Jobe 18:8

Nguko a na wuletwa likokani ngu mikondo yakwe yipune. Kambe a na tsimbila ka tingoti to riyelwa.

Dhewuteronome 28:65

Hagari ka onawo matiko, khu na mbiswa u txi mana kuthutha, ni mkondo wako kha wu na mbi mana wukhalo wo humula ka wona. Koneyo, Mkoma a na kuninga mbilu yo dhudhumela, a na kuninga maso o zengela, ni kuhefemula ka madidikhana.

Masalmo 38:8

Ni rerekile, ni wite hahatshi ngutu; ni keta ngu mhaka ya kuxaniseka ka mbilu yangu!

Masalmo 140:5

Vathu va kutiguleta va ni riyete ngu milawu; va ni riyete ngu likoka hanzila; va ni riyete milawu yo tala, va lava ku ni bzweta.

Eksodha 12:9

Mi nga dyeni ni txa tximwetxo txa tximbisu, hambi txo bhikwa ngu mati, aniko mi na dya so bawulwa ha mndiloni: Msungo ni masondo ni sa mndani.

Sidilo 3:11

A jikisile tinzila tangu, a txi ti haxulela ngu sihango, e ni siya ni si vhuni txilo.