Sidilo 1:10 - Bhiblia Yo Sawuleka

¹⁰ Mlala wakwe a mtekete tithomba takwe; nguko a woni matiko ma txi wulela ka wukhalo wakwe wo sawuleka, eyo awe Mkoma, u nga ti ma tsimbile kuwulela ka msengeletano wako.

Sidilo 1:10 Referans Kwoze

Dhewuteronome 23:3

Ni wammweyo wa ka Amoni mwendo wa ka Mowabhi kha na mbi wulela msengeletanoni ka Mkoma; hambi lihunzu lakwe la wugumi, kha li na mbi wulela msengeletanoni ka Mkoma, ngu ha ku si gwitiko.

Jeremiya 51:51

Mi na khanu: Hi thetwe tingana, nguko hi pfite txiruko; tingana ti fenengetile tikhohe tathu, nguko vamatiko va wulete makhaloni ko sawuleka a Nyumbani ka Mkoma.

Sidilo 1:7

Khumbula awe Jerusalema, ka masiku a kuxaniseka ni ku ti lambisa kwako ni sotshe si u nga ti si dhunda, si u nga ti naso ngu kale; mbimo yi vathu vako va nga ti ti wa manzani ka mlala, se ene a ti si nga ni muhefemuti valala va muwoni va txi poyila kuwa kwakwe.

Nehemiya 13:1

Ka ditshiku dile, ku to gondwa mu ka dibhuku da Mosi, tinzeveni ka vathu; se ka dona ku to maneka taku, va ka Amoni ni va ka Mowabhi, va nga swe ve wulela ka msengeletano wa Txizimu,

Marku 13:14

“Ngako mi txi wona manyala a kuthisa ma di zumbile ahawa ku si faneliko (awu a gondako a na pfisise), ka yoneyo mbimo, ava va ku Judheya va na tutumele mimangoni.

Ezekhiyele 44:7

Nguko mi dhani vamatiko, va timbilu ta makhutu, kambe va makhutu nyamani kwawe, va txi ta maneka nyumbani kwangu ko sawuleka, ku ta yi nyenyezisa, mbimo yi mi no ni ninga dipawu, mafura ni mnoha; vona va txhipisile txitumelelano txangu, ngu mhaka ya kotshe kunyenyeza kwanu.

Ezekhiyele 9:7

Se a to va gela ku khene: Nyenyezisani nyumba, mi tata mithanda ngu sirumbi, se mi huma. Se va to huma ve xasela didhoropa.

Ezekhiyele 7:22

Khohe yangu kha yi na mbi va rendekela, se va na nyenyezisa wukhalo wangu wo sisala; nguko va na wulela ka wona vaxaseli va txi wu nyenyezisa.

Jeremiya 52:13

Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.

Jeremiya 20:5

Txa wumbidi ni na ningela yotshe thomba ya didhoropa diya, ni mabhindu a kona otshe, ni sotshe siya sa lisima, ina, ni tithomba totshe ta vafumeli va ka Judha, ni na si ningela manzani ka valala vawe, ava va no si teka ngu ku si handa, va txi si yisa Bhabhilona.

Jeremiya 15:13

Ni na ningela thundu yako ni tithomba tako ti taku si txi handwa, na ti sa xavwa, ngu mhaka ya sionho sotshe sako ka dotshe ditiko dako.

Isaya 63:18

Ngu mbimonyana ya yidotho dwe, u tekilwe ngu vathu vako vo sawuleka, valala vathu va kandetete wukhalo wako wo sawuleka.

Jeremiya 50:28

Ngu dona dipswi da vale va nga thava ve huma ditikoni ka Bhabhilona, ku va va txi ya zivisa Siyoni kuphota ka Mkoma, Txizimu txathu, kuphota ka mbimo yakwe.

Dhewuteronome 23:4

Nguko kha va mi hingeta hanzila ni sakudya ni mati, kuhumani kwanu ngu Egipta; kambe va xavile Bhalahamu, mwana Bheyori, wa kuta ngu Petori, ka Mesopotamiya, kasi ku e mi ruketela.

2 Makronika 36:18

Se siya sotshe sa Nyumbani ka Mkoma, sa hombe ni sa sidotho, ni thomba ya Nyumbani ka Mkoma, ni thomba ya mfumeli ni ya vathangeli vakwe, sotshe a to teka e tsula naso Bhabhilona.

Jeremiya 27:19

Nguko Mkoma wa Mabutho a Tiyimbi, a khene xungetano ngu tiphande, ni linene, ni sikazelo ni simwani siya, asi si nga sala didhoropani,

Jeremiya 27:21

Ngu toneto, koko, Mkoma wa Mabutho a Tiyimbi, Txizimu txa Israyeli, a khene xungetano ngu siya si si nga sala Nyumbani ka Mkoma, ni mu nyumbani ka mfumeli wa ka Judha, ni Jerusalema: