Rute 4:15 - Bhiblia Yo Sawuleka

¹⁵ Ene a na va mmalateli wa moya wako, ni ku kuxayisa amu kukumbani kwako, nguko mane wako, awule a ku dhundako, a mvelekile, kambe Rute mbwa mnene kupinda mtxhanu wa vanana ni vambidi.”

Rute 4:15 Referans Kwoze

Masalmo 55:22

“Veka wutomi wako manzani ka Mkoma se ene a na kuxayisa, txima kha na mbi leka m'thu wo lulama e xaniseka yotshe mbimo.”

Isaya 46:4

Se kala mi txi kumba, ni na va ani wammweyo, ni na mi gula kala mi huma tinvi; ani ni mi vangile, kambe ni na mi gula, ni mi tisa, ni ku mi xayisa.

Genesisi 45:11

Koneyo ani ni nata kuxayisa, nguko paya yi ngadi yi txi na vaho amu ka mtxhanu wa malembe, kasiku u si zumbi wusiwanani, awe ni ngamu yako, ni sotshe si si kulumbako.

Mavingu 18:24

M'thu wu a ku ni vangana vavangi a nga ti tsakisa, kambe ku ni mngana wo thembeka ngutu kupinda mwanawe.

1 Samuwele 1:8

Sekoko mwamna wa kona Elikana a to khene ka Ana: U dilela txani kani? Niku u lambela txani kudya kani? Yi karatekela txani mbilu yako kani? Ina ani kha ni pindi digumi da vanana va majaha kwako kani?

Genesisi 47:12

Josefa a to xayisa tate wakwe, ni vanawe ni totshe timwaya tawe, ngu ku vaninga sakudya so enela, ka mtengo wa mwaya ni mwaya.

Rute 4:16

Se Nowemi a to teka mwanana, a txi mkhutarela, e maha txikhonje txakwe.

1 Samuwele 2:5

Avale kale va nga ti tikhura, vathumela dipawu, aniko konkuwa avale va nga ti ni nzala va humute; hambi txifule txi velekile mtxhanu wa vanana ni vambidi, se awule a nga ti ni vanana votala a sate ekha.