Rute 4:13 - Bhiblia Yo Sawuleka

¹³ Ngu kumhaka keto, Bhowazi a to amukela Rute, e maha msikati wakwe; se ene a to patana nayo, kambe Mkoma a to katekisa Rute a txi veleka mfana.

Rute 4:13 Referans Kwoze

Genesisi 33:5

Mbimo yi Esawu a nga gula maso a txi wona vavasikati ni vanana, a to wotisa, a txi khene: “Mbamani vava u ku navo kani?” Jakobe a xamute, a txi khene: “Mbanana vangu, avava Txizimu txi nga ni ninga ani txithumi txako.”

Genesisi 29:31

Txizimu ngako txi di woni ti to Leya kha randwi, txi to mninga kuveleka, kasi Rakeli a zumbile i di txifule.

Rute 3:11

Se konkuwa, mwanangu, u nga thave; ni na ku mahela totshe ti u nga ti womba, nguko vathu votshe va didhoropa dangu, va tiziva ti to u wamsikati wamnene.

Masalmo 127:3

Vanana i thomba ya kuningwa ngu Mkoma Txizimu, liveleko i kateko ya ditshuri.

Masalmo 113:9

a mahako ti to wamsikati wa txifule e veleka e mmaha mame wa vanana kani? Dhumisani Mkoma.

1 Samuwele 2:5

Avale kale va nga ti tikhura, vathumela dipawu, aniko konkuwa avale va nga ti ni nzala va humute; hambi txifule txi velekile mtxhanu wa vanana ni vambidi, se awule a nga ti ni vanana votala a sate ekha.

1 Samuwele 1:27

Ani ni ti kombela mfana wuwa; se Mkoma a xamute mkombelo wangu wule ni nga wu maha.

Rute 4:12

Se nyumba yako yi ne nga nyumba ya Farezi, (awule a nga velekwa ngu Tamari ditikoni ka Judha), ka liveleko li Mkoma a no kuninga ka dihorana diya.

Genesisi 30:2

Sekoko Jakobe a to henyela Rakeli, a txi khene: “U pimisa ti to ani ni ha wukhaloni ka Txizimu, txi txi nga kulambela liveleko kani?”

Genesisi 25:21

Isaake a to khongela ka Mkoma, a txi kombelela mkatakwe Rebheka, nguko i ti txifule. Mkoma a engisile mkombelo wa Isaake, se Rebheka a to mana txirumbu.

Genesisi 20:17

Abrahamu a to kombelela Abhimeleki ka Txizimu, se Txizimu txi to holisa, ni msikati wakwe ni sithumi sakwe, kasi ve mana kuveleka vanana;