Rute 4:11 - Bhiblia Yo Sawuleka

¹¹ Se votshe vathu vale va nga ti ti ha banza, ni madhota, va to kha vona: Hi tifakazi; Mkoma a na mahe ti to awu wamsikati a wulelako nyumbani kwako, a txi fanana ni Rakeli ni Leya, avale ngu wumbidi wawe va nga aka nyumba ya ka Israyeli; kateka ngutu amu ditikoni ka Efrata, u txi maha wa ditina da nduma amu Bhetlehema.

Rute 4:11 Referans Kwoze

Genesisi 29:32

Leya a to mana txirumbu e veleka mwanana wa mfana, awu a nga mraya ditina daku i Rubheni, nguko, ene a wombile ku khene: “Txizimu txi woni kupandiseka kwangu. Konkuwa, mwamna wangu a na ni randa.”

Matewu 2:6

“Awe Bhetlehema, ditiko da Judheya, khu nga m'dotho hagari ka madhoropa a hombe a ka Judha, nguko mthangeli wu a no xayisa ngamu yangu Israyeli a na velekelwa kwako.”

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

Masalmo 132:6

Hi engisile ti to mtundu wa txitumelelano wu maneka Efrata, aniko hi ti ya wu mana thembweni ka Jahari.

Rute 1:2

Wamwamna eyo ditina dakwe i ti ti Elimeleki, se ditina da msikati wakwe i ti ti Nowemi, se matina a vanana vakwe vavambidi vavafana, i ti ti Mahaloni ni Kiliyoni, va lihunzu la Efrata, ka Bhetlehema wa Judha; se va to ta aka ditikoni ka Mowabhi.

Dhewuteronome 25:9

sekoko awule wa noni a na tshuketa hafuhi kwakwe, na a txi wonwa ngu madhota, a txi mthavisa tikathula, e mthurela khoheni, e nama a txi khene: “Ngu tona tiya ti no mahwa ka wamwamna wule a lambako kuwusa nyumba ya mwanawe”;

Genesisi 24:60

Va to katekisa Rebheka, va txi kha vona kwakwe: “Awe ndiyathu veleka magumi a mazana a magumi a mazana, liveleko lako li na xule valala va lona.”

Mavingu 14:1

Ni wihi wamsikati wu a nga txhariha wa ti akela nyumba yakwe, aniko awule wa txiphukuphuku a yi haxula ngu manza akwe.

Genesisi 23:10

Sekoko Efroni, a ti khalahatshile hagari ka vanana va Heti, konako Efroni, Muheti, a to xamula ka Abrahamu, na va txi mu engisa vanana va Heti, i ku votshe vale va nga ti wulela ngu ha txikeni ka didhoropa dakwe, a txi khene:

Genesisi 29:25

Mangwanani ka kona ni mixo, Jakobe a to wona ti to i Leya a nga ningwa, se Jakobe a to womba ka Labhani, a txi khene: “Njitxani u nga ni mahela kani? Ina kasi ani kha na thumela Rakeli m'tini kwako kani? Ngu kutxani u txi ni kanganyisa kani?”

Mavingu 31:23

Mwamna wakwe a zivaneka a di ngadi ha txikeni, mbimo yile a khalahatshako ha lirendoni ka madhota a mafu.

Genesisi 29:16

Labhani a ti ni vanana vambidi vamahorana: “Mkomwakona a txi dhanwa ti to i Leya, ani mnanda i ti Rakeli.”

Genesisi 35:23

Vanana va Leya ngu vava: Matiwula a Jakobe i Rubheni, Simiyoni ni Levhi, Judha, Isakari ni Zebhuloni.

Genesisi 35:24

Vanana va Rakeli ngu vava: Josefa ni Bhenjamini;

Dhewuteronome 25:7

Aniko, ngako ndombe yakwe yi txi lamba ku msambela awule wa mfelakazi, a txi va msikati wakwe, awuwa wamsikati a na tsula ka madhota ha banza, a txi ya khene: “Ndombe yangu ya lamba kuwusa ditina da mwanawe amuwa ka Israyeli; kha ti lavi ku ni sambela thaka, i ku fanelo ya ndombe, kwangu!”

1 Vafumeli 21:8

Sekoko Jezabheli a to bhala mapapilo ngu ditina da Akabe, se a txi ma lema ngu txitambu txakwe, e rumela mapapilo ale ka madhota ni vahombe va nga ti ti ho didhoropani kwakwe, kambe va nga ti zumba ni Nabhote.

1 Makronika 2:51

ni Salima tate wa Vabhetlehema, ni Harefi, tate wa Bheti-Gadheri.

Jeremiya 32:10

Ni to bhala dipapilo da mxavo, ni txi di tsanisa na ni di ni tifakazi; sekoko ni to pima male txikaloni.