Rute 4:10 - Bhiblia Yo Sawuleka

¹⁰ ni ti to kambe na amukela Rute, wa Mowabhi, i nga ti ti msikati wa Mahaloni, a txi maha msikati wangu, kasi kuwusa ditina da mfi, txitimwi ka thomba yakwe, kasiku ditina da mfi di si fuvi hagari ka vanawe, ni ha banza ka wukhalo wawe; ka tiya, nyamsi mi tifakazi.

Rute 4:10 Referans Kwoze

Dhewuteronome 25:6

Se ku na maheka taku, mwanana wa matiwula a no va a txi velekwa, a na raywa ditina da mfi, kasi ku ditina dakwe di si pfhiteki amu ka Israyeli.

Vaefesu 5:25

Nananu vavamna, randani vasikati vanu, kota nga ti Kristu a nga randisa tona Dibanza, a txi ti ningela ngu mhaka ya dona,

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

Malakiya 2:14

Se mi txi khanu: Ngu txani kani? Nguko Mkoma i fakazi hagari kwako ni msikati wa wujaha wako, awule awe u nga mbi thembeka kwakwe, na kuve ngene mpangalati wako, i ku msikati wa txitumelelano txako.

Zakariya 13:2

Se ku na maheka ka ditshiku donedo, kuwomba Mkoma wa Mabutho a Tiyimbi, ti to ni thavisa matina a sithombe ha mafuni, kha va na mbi ngadi ve si alakanya kambe; niku ni tovela vaprofeti, ni moya wa kwa mbi sawuleka ha ditikoni.

Hoseya 12:12

Jakobe a tutumete tithembweni ka Asiriya, se Israyeli a thumile ngu mhaka ya wamsikati, a xayisile sifuyo ngu mhaka ya wamsikati.

Hoseya 3:2

Se ni to ti xavela ene ngu siya sa digumi ni mtxhanu sa silivhela, ni omeri yimweyo ya sevhadha, ni hafu ya omeri ya sevhadha;

Isaya 48:19

Hambi liveleko lako li ndi na fana ni mafu, ni vale va humako disembeni kwako, va ndi na tala nga mtxhefa wa lineneni; ditina dako di si dhuki di thaviswa, hambi kuloviswa masoni kwangu.

Mavingu 19:14

Nyumba ni silo ngu sona i kuthomba ya vatate ka vanana; aniko wamsikati wamnene ata ngu ka Mkoma.

Mavingu 18:22

Awule a manako msikati a mana txilo txatxinene, kambe a mani kukatekiswa ngu Mkoma.

Masalmo 109:15

Sionho sa vaveleki vakwe si na woneke yotshe mbimo masoni ka Mkoma aniko Txizimu txi na fuvise lihunzu lawe ha mafuni!

Masalmo 34:16

Kuhenya ka Mkoma ku txitimwi ka vabihi, kasiku ve fuva ha ditikoni, ve divalwa.

Joxuwa 7:9

Va txo tiengisa eto Vakanana, ni votshe vaaki va ditiko, va na hi ranganyeta, va txi fuvisa ditina dathu ha mafuni; sekoko u na maha txani ngu ditina dako da hombe kani?”

Genesisi 29:27

Awe heta divhiki diya da mtekano, sekoko ni na kuninga kambe mnanda wa kona, u txi mthumela nene mtxhanu wa malembe ni mambidi.”

Rute 4:9

Sekoko Bhowazi a to womba ka madhota ni ka votshe vathu, a txi khene: Mi tifakazi nyamsi taku ni amukete manzani ka Nowemi, sotshe sile si nga ti lumba Elimeleki, ni sa Kiliyoni, ni sa Mahaloni;

Genesisi 38:9

Ti di ngeto, Onani ngu kuziva ti to liveleko la kona kha li na mbi mlumba, txikhati ni txikhati txi a nga txi tshangana nayo, a ti ti theketela hahatshi, kasiku asi wuseli mkomwakwe liveleko.