Rute 3:9 - Bhiblia Yo Sawuleka

⁹ Se ene a to khene: “Ngawe mani kani?” Se Rute a to khene: Ngani Rute, txithumi txako; fenengeta txithumi txako koko ngu didhamba dako, nguko awe u mtiruli.

Rute 3:9 Referans Kwoze

Ezekhiyele 16:8

Se ni to pinda ngu ha u nga ti ti kona, ni kuwona, ni wona taku mbimo yako i ti ti mbimo ya lirando; se ni to fenengeta wumbwiri wako ngu didhamba dangu; ni to kuthembisa ni maha txixambanyo ni nawe, kuwomba Mkoma Txizimu, se awe u mahile wangu.

Rute 2:20

Sekoko Nowemi a to khene ka mane wakwe: “A na katekiswe ngu Mkoma, awule asi lekiko kumaha wumbilu ka vale va hanyako ni vale va nga fa!” Se Nowemi a to engeta a txi khene kwakwe: Eyo wamwamna dixaka dathu da hafuhi, kambe mmweyo wa vatiruli vathu.

Rute 3:12

Kambe konkuwa, ditshuri ngutu ati to ani ni mtiruli, aniko aho mmwani mtiruli wa hafuhi ngutu kupinda ani.

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

1 Samuwele 25:41

Sekoko ene a to khukha, e nama ngu khohe hahatshi, a txi khene: Wona, txithumi txako txa txisikati txi na maha txithumi txo sambisa mikondo ya sithumi sa nyamne wangu.

Rute 3:8

Se ku to maheka taku ngu hagari ka wusiku, wamwamna wule a to dhuka, a txi wuka ngu kuthava; se e wona wamsikati a di otete minengeni kwakwe.

Rute 3:10

Se ene a to khene: “Mkoma a na ku katekise, mwanangu; u mahile kha kwati wunene wuwa wako wo gwitisa, kupinda wo khata, nguko khwa lava kulondeta dizambi ni da dimwedo, da nyatithombe mwendo da txisiwana.

Rute 4:4

Se ani ni lavile ku kuzivisa mhakeyo, taku: Yi tekele masoni ka vazumbi va ditiko, ni masoni ka madhota a vathu vangu. Se ngako u txi lava ku yi tirula, yi tirule; aniko ngako u si ti lavi ku yi tirula, ni gele, kasiku ani ni txi tiziva, nguko kha nga ho mmwani wa ku yi tirula, hahanze kwako, se msana kwako, ngani.” Sekoko ene a to khene: “Ani ni na yi tirula.”

Rute 4:6

Sekoko mtiruli a to khene: “Ani kha ni na mbi mtirula, kasiku ni si onheteli thomba yangu; yi tirule awe ka wukhalo wangu, nguko ani kha ni na mbi sikota ku yi tirula.”