Rute 3:3 - Bhiblia Yo Sawuleka

³ Ngu mhaka yeto, samba, u txi tola mafura, u txi ambala simaha sako, u relela didhandoni, aniko u nga ti zivekise ka wamwamna, kala kuza a txi gwita kudya ni kusela.

Rute 3:3 Referans Kwoze

2 Samuwele 14:2

a to rumela vathu veya Tekowa, kuya teka wamsikati wa wutxhari, a txi ta khene kwakwe: Ti mahise u txi nga u to felwa; ambala syambalo sa mizila, u nga tole mafura, mahisa ku nga wamsikati wule a ku ni masiku amangi ni mizila ngu mhaka ya kufelwa.

Esteri 5:1

Ku to maheka koko tito, ka ditshiku da wuraru, Esteri e ambala syambalo sakwe sa wufumeli, se eya ema mndani ka muhubhe wa nyumbani ka mfumeli, ngu masoni ka nyumba ya mfumeli; kambe mfumeli a ti ti khalahatshile ha txikhaloni txakwe txa wukoma, nyumbani ka wukoma, masoni ka txike txa nyumba.

Matewu 6:17

Aniko awe, mbimo yi u ti tonako sakudya, tola mafura ha msungo kwako, u txi samba khoheni,

Ekleziyaste 9:8

Ambala syambalo so basa mbimo yotshe, ku nga thuke kupwateka mafura ha msungo kwako.

Masalmo 104:15

Vhinya yi yi va tsakisako timbilu, mafura awa ma va tshurisako tikhohe ni sakudya si si va ningako mtamo.

Rute 3:2

Ina Bhowazi wule u nga ti ti ni mahorana akwe, hi nga dixaka dathu kani? Wona taku, a na ya hula sevhadha ha didhandoni kwakwe wusiku wuwa.

Rute 3:4

Se mbimo yi a no tsula kuya otela, u na wonisisa wukhalo wule a no otela ka wona; sekoko wulela, u txi vhunungula mikondo yakwe, u otela konaho, se ene a na kugela ati u fanelako ku ti maha.”

2 Samuwele 12:20

Sekoko Dhavhidha a to wuka ngu hahatshi, e samba, e tola mafura, e txhitxha syambalo, e wulela Nyumbani ka Mkoma eya khozela; sekoko a to tshumelela nyumbani kwakwe eya kombela sakudya, ve m'vekela sakudya e dya.

Ezekhiyele 16:9

Sekoko ni to kusambisa ngu mati, se ni ku bahulela mnoha, ni kutota mafura.