Rute 3:12 - Bhiblia Yo Sawuleka

¹² Kambe konkuwa, ditshuri ngutu ati to ani ni mtiruli, aniko aho mmwani mtiruli wa hafuhi ngutu kupinda ani.

Rute 3:12 Referans Kwoze

Rute 4:1

Se Bhowazi a to tsula habanzani, a txi ya khalahatsha kona; wona taku, awule wa mtiruli a nga ti wombawombile ngu ngene Bhowazi, a ti ti pinda, se a txi m'gela ku khene: “He mawe, ngono ngu kheno, se hi nga khalahatsha hawa.” Se a to jika a txi ya hale eya khalahatsha.

1 Vatesalonika 4:6

Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.

Matewu 7:12

Ngu toneto, koko, totshe ti mi ti lavako kuve mi mahela vathu, va maheleni nanu. Awuwa ngu wona Mlayo ni gondo ya vaprofeti.”

Rute 3:11

Se konkuwa, mwanangu, u nga thave; ni na ku mahela totshe ti u nga ti womba, nguko vathu votshe va didhoropa dangu, va tiziva ti to u wamsikati wamnene.

Rute 3:13

Zumba hawa wusiku wuwa, se mangwana ni mixo, ngako ene a txi kutirula, ndinene, ene a na kutirule; aniko ngako asi ti lavi ku kutirula, Mkoma a hanyako, ani ni na kutirula! Otela hawa, kala mangwana.”

Rute 2:20

Sekoko Nowemi a to khene ka mane wakwe: “A na katekiswe ngu Mkoma, awule asi lekiko kumaha wumbilu ka vale va hanyako ni vale va nga fa!” Se Nowemi a to engeta a txi khene kwakwe: Eyo wamwamna dixaka dathu da hafuhi, kambe mmweyo wa vatiruli vathu.

Rute 4:4

Se ani ni lavile ku kuzivisa mhakeyo, taku: Yi tekele masoni ka vazumbi va ditiko, ni masoni ka madhota a vathu vangu. Se ngako u txi lava ku yi tirula, yi tirule; aniko ngako u si ti lavi ku yi tirula, ni gele, kasiku ani ni txi tiziva, nguko kha nga ho mmwani wa ku yi tirula, hahanze kwako, se msana kwako, ngani.” Sekoko ene a to khene: “Ani ni na yi tirula.”