Rute 2:9 - Bhiblia Yo Sawuleka

⁹ Maso ako ma na wonisisa ka thembwe yi va no elula ka yona, se u na tsimbila ngu msana kwawe; ni leletete ka majaha ti to va si ku gwesi. Ngako u txi pfa ditora, tsula ka tidhuwa tile, u txi ya sela mati ale ma nga rekelelwa ngu majaha.

Rute 2:9 Referans Kwoze

1 Johani 5:18

Ha tiziva ti to votshe va va nga velekwa ngu Txizimu, kha va hanyeli kuonha, nguko Mwanana wa Txizimu wa va veketa, se m'bihi kha na ku va gwesa.

Genesisi 20:6

Txizimu txi to mxamula ngu mloro, txi txi kha txona: “Ani na tiziva kha kwati taku, eto u ti mahile ngu mbilu ya yinene; aniko ngani ni nga maha ti to u si ni onheli, ni si kutumetisi kum'gwesa.

1 Vakorinto 7:1

Sekoko, ka timhaka ti mi nga ni bhalela, ani ni pimisa ti to ndinene ngako m'thu asi teki msikati.

Matewu 10:42

Ani wule a ningako ka mmweyo wa vale vavadotho, hambi i di muhindo wumwewo wa mati o titila, ngu mhaka ya kuva i di mgondiswa wangu, kha ditshuri na mi gela ti to kha na mbi luzekelwa ngu ditshungulo dakwe.”

Mavingu 6:29

Ti na nga toneto ka wule a wulelako ka msikati wa mwakelani wakwe; ni wihi wule a no m'gwesa kha na mbi pwata mnandu.

Masalmo 105:15

“Mi nga gweseni ava ni nga va sawula, mi nga xupheni vaprofeti vangu.”

Jobe 19:21

Ni xanisekeleni anu vangana vangu, ni xanisekeleni, nguko dianza da Txizimu di ni gwesile.

Rute 2:8

Sekoko Bhowazi a to khene ka Rute: Khu engisi mwanangu kani? U nge ya lavetela ka yimwani thembwe, ni ka kudotho u nga pinde hawa; aniko aha u na patana ni mahorana angu.

Rute 2:10

Sekoko Rute a to wa ngu khohe, e khizama hahatshi, a txi m'gela ku khene: “Ngu kutxani ni mana kukateka masoni kwako, aha koza u txi va ni kukhatala ngu ngani, ani ni ku wa matiko kani?”