Rute 2:8 - Bhiblia Yo Sawuleka

⁸ Sekoko Bhowazi a to khene ka Rute: Khu engisi mwanangu kani? U nge ya lavetela ka yimwani thembwe, ni ka kudotho u nga pinde hawa; aniko aha u na patana ni mahorana angu.

Rute 2:8 Referans Kwoze

2 Vafumeli 5:13

Sekoko ku to tshuketa sithumi sakwe si txi ta kha sona: Tata wangu, ngako mprofeti a ti kugete to kari ta hombe ina nga u sa ti maha kani? Ngutu-ngutu ku khene: Samba, u na kalamuka.

Vafilipiya 4:8

Vanathu, ngu kugwitisa, ni khani: Totshe ti i ku ta ditshuri, totshe ti i ku ta lisima, totshe ti i ku ta kululama, totshe ti ti dhundekako, totshe ti ti ku ni nduma ya yinene, totshe ti i ku ta mahanyelo amanene ni kudhumiseka, ngu toneto mi fanelako kuzumba mi txi ti alakanya.

Matewu 9:22

Jesu a txi tshembereka e mu wona, a to khene kwakwe: “Tsanisa mbilu, mwanangu, likholo lako li ku hanyisile.” Se wamsikati a to hanyiswa ka malwati akwe ka yona yile mbimo.

Matewu 9:2

Se va to mu nehela m'thu wa kuoma sihango, a di otete ha didhandoni. Jesu a txi wona kutumela kwawe, a to khene ka m'thu wule wa kuoma sihango: “Mwanangu, tsanisa mbilu! Sionho sako si divaletwe.”

1 Samuwele 3:16

Sekoko Eli a to dhana Samuwele, a txi khene: Samuwele, mwanangu! Se ene a to khene: “Ngani wuwa hawa!”

1 Samuwele 3:6

Se Mkoma a to engeta kambe e dhana Samuwele. Samuwele a to wuka, eya ka Eli, a txiya khene: Ngani wuwa hawa, nguko awe u ni dhani. Aniko Eli, a to khene: Kha na kudhana ani, mwanangu, tshumela u txi ya otela.

Rute 2:7

Dona di to kha dona: “Ni tumelele ni txi lavetela sitxatxa hagari ka tinyanda ta fulaho, ngu msana ka vaeluli. Ngu mhaka keto, dona di tile, kukhukhela ni mixo di maneka hawa kala ni konkuwa, hahanze ka mbimoanyana, a nga ya humula mtsudini.”

Rute 2:9

Maso ako ma na wonisisa ka thembwe yi va no elula ka yona, se u na tsimbila ngu msana kwawe; ni leletete ka majaha ti to va si ku gwesi. Ngako u txi pfa ditora, tsula ka tidhuwa tile, u txi ya sela mati ale ma nga rekelelwa ngu majaha.

Levhi 19:9

Ngako mi txi elula timbewu tithembweni kwanu, mi nga eluleni kala kotshe magwito ka thembwe, kambe mi nga yeni mi txi ya roletela vanyamtshodwe, msana ka kuva mi di gwitile kuelula siyalo.