Rute 2:7 - Bhiblia Yo Sawuleka

⁷ Dona di to kha dona: “Ni tumelele ni txi lavetela sitxatxa hagari ka tinyanda ta fulaho, ngu msana ka vaeluli. Ngu mhaka keto, dona di tile, kukhukhela ni mixo di maneka hawa kala ni konkuwa, hahanze ka mbimoanyana, a nga ya humula mtsudini.”

Rute 2:7 Referans Kwoze

Mavingu 22:29

U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.

Mavingu 18:23

Txisiwana txi womba-womba ngu kukhongotela, aniko nyatithombe a womba-womba ngu kunemetisela.

Mavingu 15:33

Kuthava Mkoma i gondo ya wutxhari, se masoni ka kudhundeka, ku ni kutiveka hahatshi.

Mavingu 13:4

Zumbelo ya mkara ngu kunavela, aniko kha gwitisi kumana txilo, kambe moya wa vale va ti thumelako wa tsaka.

Vaefesu 5:21

Xoniphanani ngu txithavo ka Kristu.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Vagalatiya 6:9

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

Varoma 12:11

Khutalani, mi nga telweni ngu dikhodho; turani moyani, mi txi thumela Mkoma.

Matewu 5:3

“Va katekile ava i ku sisiwana moyani, nguko Mfumo wa nzumani mbwawe!

Rute 2:2

Se Rute wa Mowabhi, a to womba ka Nowemi a txi khene: Ni tumelele ku ni txi ya thembweni kuya lavetela sitxatxa, msana ka wule a no ya ni siza a txi ni amukela. Se masale wakwe a to mxamula a txi khene: “Tsula mwanangu.”

Rute 2:6

Se dijaha dile di nga ti vekilwe kuthangela vaeluli, di to xamula di txi kha dona: Adiya ndihorana da ka Mowabhi, di nga wuya ni Nowemi ngu ditikoni ka Mowabhi.

Rute 2:8

Sekoko Bhowazi a to khene ka Rute: Khu engisi mwanangu kani? U nge ya lavetela ka yimwani thembwe, ni ka kudotho u nga pinde hawa; aniko aha u na patana ni mahorana angu.

Rute 2:21

Se Rute wa Mowabhi, a to khene: “A ni gete kambe a txi khene: U na patana ni majaha ya ni ku nawo, kala kuza me heta kotshe kuelula ku ni ku nako.”