Rute 2:20 - Bhiblia Yo Sawuleka

²⁰ Sekoko Nowemi a to khene ka mane wakwe: “A na katekiswe ngu Mkoma, awule asi lekiko kumaha wumbilu ka vale va hanyako ni vale va nga fa!” Se Nowemi a to engeta a txi khene kwakwe: Eyo wamwamna dixaka dathu da hafuhi, kambe mmweyo wa vatiruli vathu.

Rute 2:20 Referans Kwoze

2 Samuwele 2:5

Sekoko Dhavhidha a to rumela mitumi ka vavamna va Jebhesi-Gileyadhi, a txi khene kwawe: Manani kukateka anu ngu ka Mkoma, nguko mi mahile wunene wo nga tiya ka nyamne wanu, ka Sawule, kambe mi mtshotshile!

Mavingu 17:17

Randa mngana wako yotshe mbimo, se ngu mbimo ya xomulo a na va mwananu.

Levhi 25:25

Ngako mmweyo wa va ka kwanu e thuka a txi wela wusiwanani, aha koza e xavisa thembwe yakwe, mmwani wa dixaka dakwe, awu i ku mxayisi wakwe, a fanete kuya tekisa thembweyo.

Vafilipiya 4:10

Ni tsakile ngutu ka Mkoma, ngu kuwa mi nga tshumela mi wuseta kukhatala kwanu ngu ngani; kha ditshuri mi ti ni khatalela, aniko mi ti si nga ni nzila yo komba kukhatala kwanu.

Jobe 19:25

Nguko na tiziva taku Mtiruli wangu wa hanya, niku ngu kugwitisa a na ema txitimwi ka mafu.

2 Samuwele 9:1

Se Dhavhidha a to khene: Ina ku ni m'thu a nga sala ka nyumba ya ka Sawule, kasi ku ni mmahela wuxinji, ngu mhaka ya kuranda Jonatani kani?

Rute 4:14

Sekoko vavasikati va to kha vona ka Nowemi: “A na dhumiswe Mkoma, a nga mbi leka ku kuninga mtiruli nyamsi, niku ditina dakwe di nave ni nduma ka Israyeli!

Rute 4:6

Sekoko mtiruli a to khene: “Ani kha ni na mbi mtirula, kasiku ni si onheteli thomba yangu; yi tirule awe ka wukhalo wangu, nguko ani kha ni na mbi sikota ku yi tirula.”

Rute 2:21

Se Rute wa Mowabhi, a to khene: “A ni gete kambe a txi khene: U na patana ni majaha ya ni ku nawo, kala kuza me heta kotshe kuelula ku ni ku nako.”

Rute 3:12

Kambe konkuwa, ditshuri ngutu ati to ani ni mtiruli, aniko aho mmwani mtiruli wa hafuhi ngutu kupinda ani.

Rute 4:4

Se ani ni lavile ku kuzivisa mhakeyo, taku: Yi tekele masoni ka vazumbi va ditiko, ni masoni ka madhota a vathu vangu. Se ngako u txi lava ku yi tirula, yi tirule; aniko ngako u si ti lavi ku yi tirula, ni gele, kasiku ani ni txi tiziva, nguko kha nga ho mmwani wa ku yi tirula, hahanze kwako, se msana kwako, ngani.” Sekoko ene a to khene: “Ani ni na yi tirula.”