Rute 2:14 - Bhiblia Yo Sawuleka

¹⁴ Se ngu mbimo ya kudya, Bhowazi a to womba ka Rute, a txi khene: “Tshuketa hawa u ta dya sakudya, u nakanisa txikhwemu txako ka vhinagre.” Se ene a to khalahatsha hafuhi ka vaeluli, Bhowazi a to mninga phapha ya fulaho yo katingwa, a to dya e khura, si tshumela si txi sala.

Rute 2:14 Referans Kwoze

Rute 2:18

Se a to rwala e tsula naso didhoropani; se masale wakwe a to wona asi a nga ti si mani; Rute a to teka ni sakudya siya a nga ti si siyile e mninga.

Matewu 14:20

Votshe va dyite ve khura; ngu sikhwemu si si nga sala va to tata digumi da sirundu ni simbidi!

Dhewuteronome 8:10

U na ya mana sotshe, u txi dya u txi khura, kambe u na ya bonga Mkoma, Txizimu txako, ngu mhaka ya ditiko di da dinene a nga kuninga.

Isaya 58:7

Ina kambe khu abani sakudya sako ni wule a ku ni nzala, ni kuamukela m'tini kwako sisiwana sile si nga tovelwa kani? Ni ti to u txi mu wona i di tximbwiri u mfengeta, kambe khu sisaleli wule i ku wa ka kwanu kani?

Isaya 32:8

Aniko txisiwana txi maha makungo amanene, se ngu wunene txi simama txi di emile.

Masalmo 23:5

U ni lulamisela m'buso masoni ka valala vangu. U ni totile msungo wangu ngu mafura o bhumula u tata digombe dangu, di thekelela.

2 Samuwele 17:28

va to teka mataho, ni mikamba, ni siya so wumbwa, ni fulaho, ni sevhadha, ni mpupu, ni tindoho to yokwa, ni tigongo, ni tinyawa,

1 Samuwele 25:18

Sekoko Abhigayeli a to kuluveta e teka 200 wa mapawu, ni misava yimbidi ya vhinyo, ni mtxhanu wa tinvuta to bhikwa, ni mtxhanu wa sirundu sa mafaka o sokotwa, ni 100 wa sizangwa sa mauvha, ni 200 wa sirema sa makuwa, e si sanzeka txitimwi ka timbongola,

1 Samuwele 17:17

Se Jese a to khene ka mwanakwe Dhavhidha: Na ku kombela, teka efa yiya ya mafaka o yokwa, ni simbwanda siya sa digumi, wu tutuma wu heleketa ka vakomwako wugoveloni.

Dhewuteronome 11:15

Ni na ninga lihawu libalani ka sifuyo sako, se mi na dya mi khura.

Rute 2:13

Se Rute a to khene ka Bhowazi: “Ni na mane kukateka masoni kwako, awe nyamne wangu, nguko u ni thavelete ni womba-womba mbiluni ka txithumi txako, hambiko ani ni singako mmweyo wa sithumi sako sa txisikati.”

Rute 2:15

Se mbimo yi a nga khukha a txi lavetela, Bhowazi a to leleta ka majaha akwe, a txi khene: “Mlekeni a txi lavetela ni mu ka tinyanda, kambe mi nga mkaratiseleni.