Rute 2:13 - Bhiblia Yo Sawuleka

¹³ Se Rute a to khene ka Bhowazi: “Ni na mane kukateka masoni kwako, awe nyamne wangu, nguko u ni thavelete ni womba-womba mbiluni ka txithumi txako, hambiko ani ni singako mmweyo wa sithumi sako sa txisikati.”

Rute 2:13 Referans Kwoze

1 Samuwele 1:18

Se Ana a to khene: Txi na mane mathomo txithumi txako txa txisikati masoni kwako. Ngu kumaha keto, wamsikati a to teka nzila yakwe e tsula, eya dya, aniko khohe yakwe hi si ngadi kambe yi xukuvala.

Genesisi 34:3

Aniko msana keto, a to randa wule wa dihorana ngu ditshuri, se e maha ngu kuwombawomba nayo ngu lirando.

Genesisi 33:8

Esawu a to wotisa ka Jakobe, a txi khene: “U lava kumaha txani ngu yotshe mitxhambi yi ni nga yi mana hanzila kani?” Jakobe a xamute, a txi khene: “Ani ni lava ku ni txi mana wuxinji kwako awe mkomwangu.”

Vafilipiya 2:3

Mi nga maheni to maha ngu kukanetana hambi kutikulisa, aniko thumani ngu kutiveka hahatshi, mi si alakanyi ti to ma pinda vamwani ngu wunene.

2 Samuwele 16:4

Sekoko mfumeli a to khene ka Zibha: Wona taku sotshe sile si ku ni Mefibhosete nzako. Se Zibha a to khene: Na ti namisa, ni na mane dikato masoni kwako, awe mfumeli, nyamne wangu.

1 Samuwele 25:41

Sekoko ene a to khukha, e nama ngu khohe hahatshi, a txi khene: Wona, txithumi txako txa txisikati txi na maha txithumi txo sambisa mikondo ya sithumi sa nyamne wangu.

Genesisi 43:14

Se Txizimu txa Mtamo-wotshe, txi na mi katekise masoni ka ene mamoyo, kasiku e mi leka mi wuya ni mmwani mnanda wanu, kumweko ni Bhenjamini. I di ani, ngako ti txi laveka ti to ni mwalalelwa ngu vanana, ni na mwalalelwe ngu vona!”

Genesisi 33:15

Se Esawu a ti khene: “Kona kuwa, ni na kusiyela majaha okari ka awa ni ku nawo!” Aniko Jakobe a xamute, a txi khene: “Kasi kutxani toneto, kani? Ani ni bonga kumana dithomo do amukelwa masoni ka nyamne wangu!”

Genesisi 33:10

Sekoko Jakobe a ti khene: “Ahim-him, ani na ku kombela! Ngako ni nga mana kuamukeleka masoni kwako, amukela txiningo txa manzani kwangu. Nguko ni woni khohe yako, nga ni to wona khohe ya Txizimu, se awe u ni amukete ngu kuthutha.

Mavingu 15:33

Kuthava Mkoma i gondo ya wutxhari, se masoni ka kudhundeka, ku ni kutiveka hahatshi.

Valamuli 19:3

Se mwamna wakwe a to khukha a txi mlondeta, kasi ku a txi ya womba-womba nayo mapswi a ku mkhongotela, ni kutshumela a txi wuya nayo; se a ti ti tekile dijaha dakwe ni timbongola timbidi, se awule wamsikati a to mteka a txi wulela nayo nyumbani ka tate wakwe, se mbimo yile tate wa kona a nga mmona, a to m'hingeta ngu kutsaka.

Rute 2:12

Mkoma a na hakele mithumo yako, u txi amukela hakhelo yako ka Mkoma, Txizimu txa Israyeli, atxile u nga thavela mabhapini ka txona.”

Rute 2:14

Se ngu mbimo ya kudya, Bhowazi a to womba ka Rute, a txi khene: “Tshuketa hawa u ta dya sakudya, u nakanisa txikhwemu txako ka vhinagre.” Se ene a to khalahatsha hafuhi ka vaeluli, Bhowazi a to mninga phapha ya fulaho yo katingwa, a to dya e khura, si tshumela si txi sala.

Genesisi 32:6

Mitumi yi to wuya ka Jakobe yi ta womba tiya: “Hi hokile ka mkomwako Esawu. Se nene wata, wa kuhingeta, ana ni 400 wa vavamna.”

Hoseya 2:16

Se ku na maheka ka dona ditshiku dile, kuwomba Mkoma, ti to u ni dhana, ku khawe: “Mkatangu, kambe khu na mbi ni dhana kambe ku khawe: Bhahali wangu.”