Rute 2:10 - Bhiblia Yo Sawuleka

¹⁰ Sekoko Rute a to wa ngu khohe, e khizama hahatshi, a txi m'gela ku khene: “Ngu kutxani ni mana kukateka masoni kwako, aha koza u txi va ni kukhatala ngu ngani, ani ni ku wa matiko kani?”

Rute 2:10 Referans Kwoze

1 Samuwele 25:23

Mbimo yile koko, Abhigayeli a nga wona Dhavhidha, a to kuluveta e txhika ngu ha ka mbongola, e nanisa khohe yakwe masoni ka Dhavhidha, e khizama.

Rute 2:13

Se Rute a to khene ka Bhowazi: “Ni na mane kukateka masoni kwako, awe nyamne wangu, nguko u ni thavelete ni womba-womba mbiluni ka txithumi txako, hambiko ani ni singako mmweyo wa sithumi sako sa txisikati.”

Varoma 12:10

Zumbani ngu kurandana nga vanana va m'thu mmweyo, mi txi palisana ngu kukombisa txithavo ka mmwani ni mmwani.

Luka 1:48

Nguko a woni kutiveka hahatshi ka txithumi txakwe; ngu toneto kukhukhela konkuwa, ni na dhanwa ku ni wo kateka ngu totshe tixaka ta vathu.

Luka 1:43

Se ti khukhela hani ti to teka ani ni ta dingulwa ngu Mame wa Mkoma wangu kani?

2 Samuwele 19:28

Nguko yotshe nyumba ya tate wangu nja vathu vo fanelwa ngu kufa, masoni ka mfumeli nyamne wangu; hambi keto, u vekile txithumi txako hagari ka vale vadyako mezani kwako; I txani kambe ni nga txi dilelako ka mfumeli kani?

2 Samuwele 9:8

Sekoko a to khizama a txi khene: I mani txithumi txako, aha koza u tikaratela yimbwa yofa, yo fana ni nani kani?

Matewu 25:35

Nguko mbimo yi ni nga ti ni nzala, anu mi ni phamete sakudya; mbimo yi ni nga ti ni ditora, mi ni ningile mati ni sela; mbimo yi ni nga ti muendi, mi ni amukete.

Rute 2:2

Se Rute wa Mowabhi, a to womba ka Nowemi a txi khene: Ni tumelele ku ni txi ya thembweni kuya lavetela sitxatxa, msana ka wule a no ya ni siza a txi ni amukela. Se masale wakwe a to mxamula a txi khene: “Tsula mwanangu.”

Genesisi 18:2

Se a to gula maso, e wona majaha mararu ma di emile, hafuhi kwakwe, neti a nga va wona, a to khukha ha txikeni ka ditenda dakwe e va hingeta, se a to ti wisa hahatshi masoni kwawe

Rute 2:9

Maso ako ma na wonisisa ka thembwe yi va no elula ka yona, se u na tsimbila ngu msana kwawe; ni leletete ka majaha ti to va si ku gwesi. Ngako u txi pfa ditora, tsula ka tidhuwa tile, u txi ya sela mati ale ma nga rekelelwa ngu majaha.

Rute 2:11

Se Bhowazi a to mxamula, a txi khene: “Ni xawutetwe kha kwati, ati u nga ti maha ka masale wako msana ka kufa ka mwamna wako, ti to u lekile tate wako ni mame wako, ni ditiko dile u nga velekwa ka dona, u txi ta ka vathu va u nga ti si va zivi.

Levhi 19:34

Mluveli wule a zumbako ni nanu a na va a txi xayiswa ku nga mmweyo wa va ka kwanu, u na mranda nga ti u ti randisako tona awe upune, nguko nanu mi ti valuveli ditikoni ka Egipta: Ani ngani Mkoma, Txizimu txanu!

Rute 2:19

Sekoko masale wakwe a to m'gela a txi khene: “Nyamsi u lavetete hani, niku u thumete hani kani? A na katekiswe awule a nga khatala ngu ngawe!” Rute a to txhamusela ka masale wakwe, taku a thumile ni mani, a txi khene: “Wamwamna awule ni nga thuma nayo nyamsi, ditina dakwe i Bhowazi.”

2 Samuwele 7:18

Sekoko mfumeli Dhavhidha a to wulela a txi ema masoni ka Mkoma, a txi khene: No va mani ani, Mkoma Txizimu, ni ku ngu yihi nyumba yangu, aha koza u ni tisa hawa kani?