Rute 1:6 - Bhiblia Yo Sawuleka

⁶ Sekoko, ene a to khukha ditikoni ka Mowabhi ni vamane vakwe, nguko a ti engisile a di ditikoni ka Mowabhi, ati to Mkoma a endete vathu vakwe ngu kuvaninga sakudya.

Rute 1:6 Referans Kwoze

Masalmo 132:15

M'ti wuwa ni na wu katekisa wu pfuna sakudya; ni na dyisa sisiwana sa wona si khura.

Masalmo 111:5

wa ninga sakudya ka vale va mthavako; wa alakanya txitumelelano txakwe yotshe mbimo!

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

Eksodha 3:16

Tsula u txi ya tshanganisa madhota a ka Israyeli, u txi va gela tiya: Mkoma, Txizimu txa vatate vanu, Txizimu txa Abrahamu, Txizimu txa Isaake, ni Txizimu txa Jakobe, a wonekile kwangu, a txi ni gela tiya: Ngu ditshuri ni mi endete, ni woni ti mi mahwako kona Egipta.

Luka 19:44

“Va na kudikha hahatshi, awe ni vanana vako, va ku kwako. Kambe kha va na mbi siya kwako dirigwi txitimwi ka dirigwi, nguko khwa ziva mbimo yi u nga endelwa ngu yona.”

Luka 1:68

“A na dhumiswe Mkoma, Txizimu txa Israyeli, nguko a endete vathu vakwe, a txi va tirula.

Matewu 6:11

Hi he nyamsi sakudya sathu sa ditshiku ni ditshiku.

Jeremiya 29:10

Nguko, Mkoma a khene: Aha ku no pinda mtxhanu wa magumi ni mambidi a malembe Bhabhilona, ni na mi alakanya, ni txi mi mahela ta tinene, ni txi mi wuyisa ka wuwa wukhalo.

Isaya 55:10

Nguko nga ti nzuma ni huguva si txhikako ngu nzumani, si si tshumeleli kona, aniko sa nakanisa mafu, si ma maha me ninga dibhindu, ni kumilisa, ni kuninga mbewu ka wule a phayako, ni sakudya ka wule adyako,

Zefaniya 2:7

Mabambe mule ku na lumba miboti ya nyumba ya ka Judha, kuva va txi dyisela kona sifuyo; ni minova va na ya otela tinyumbani ka va ka Axikaloni, nguko Mkoma, Txizimu txawe, a na va endela, kambe a na va tshumetela tikhumbi tawe.

Masalmo 146:7

a lamulako ngu kululama ava va tsindavetwako; a ningako dipawu ka vale va ku ni nzala.

Masalmo 145:15

Maso a votshe ma wonetela awe, kambe awe wa va ninga sakudya ngu mbimo ya kona.

1 Samuwele 2:21

Mkoma koko a to katekisa Ana, se e mana txirumbu e veleka vanana vararu va vafana ni vanana vambidi vamahorana; se mfana Samuwele a ti kula masoni ka Mkoma.

Genesisi 50:25

Se Josefa a mahile ti to vanana va ka Israyeli ve xambanya, a txi khene: “Mbimo yi Txizimu txi no mi endela, mi na thavisa marambu angu ka wuwa wukhalo mi tsula nawo.”

Genesisi 48:15

Se Israyeli a to katekisa Josefa, a txi khene: Txizimu txi va nga tsimbila masoni ka txona vatate vangu Abrahamu ni Isaake Txizimu txi i ku m'dyisi wangu kukhukhela ni txi velekwa kala ditshiku da nyamsi,

Genesisi 28:20

Sekoko Jakobe a mahile txixambanyo txiya: Ngako Txizimu txi di ni nani, txi txi ni xayisa ka nzila yi ni ku ka yona, ngako txi txi ni ha sakudya sa kudingana, ni simaha sa kuambala;

Genesisi 21:1

Mkoma a to alakanya Sara, nga ti a nga womba, se e maha kwakwe ati a nga ti thembisile tona.

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

1 Timoti 6:8

Ngu toneto, ngako hi di ni sakudya ni sakuambala, he tsakeleni soneso.

Masalmo 147:14

Wa tsanisa kudikha mndani ka mihingano ya ditiko dako a txi kukhurisa ngu fulaho ya yinene.

Mavingu 30:8

Vayilelisa wukanganyisi kwangu, ni mapswi a makuhu; u nga ni ninge hambi wusiwana mwendo tithomba; ni ninge sakudya sa ku ni enelela.

Rute 1:5

Se va to fa ni vona ngu wumbidi wawe, Mahaloni ni Kiliyoni, Nowemi e sala a di fetwe ngu vanana vakwe va vambidi, ni mwamna wakwe.

Rute 1:7

Ti di ngeto, Nowemi a to khukha ka wukhalo wule a nga ti ti ka wona, ni vamane vakwe vavambidi. Se va to tshumelela ditikoni ka Judha,

Masalmo 102:14

Sithumi sako sa ma randa marigwi akwe, si na ni wusiwana ngu marumbi akwe.

Joyeli 2:19

Se Mkoma a na xamula ka vathu vakwe, a txi khene: Wonani taku ni na rumela fulaho, ni vhinya yo lombela, ni mafura, mi na khura ngu sona, kha ni na mbi mi ningela kambe tinganani, hagari ka matiko.