Rute 1:22 - Bhiblia Yo Sawuleka

²² Ngu toneto, Nowemi a to wuya ni mane wakwe Rute, wa Mowabhi, a nga wuya ngu ditiko ka Mowabhi; se va to hoka Bhetlehema ngu mbimo yo khata kuelula sevhadha.

Rute 1:22 Referans Kwoze

Rute 2:23

Ngu toneto, Rute a to ti pata ni mahorana a Bhowazi, kuva e roletela, kala kuza kuelulwa ka sevhadha ni fulaho ku txi guma; se a to zumba ni masale wakwe.

2 Samuwele 21:9

Se a to va ningela manzani ka Vagibheyoni, avale va nga va txikita mmangoni masoni ka Mkoma; se votshe va mtxhanu ni vambidi va to fa ngu mbimo yimweyo; Va to dawa ka masiku a kuelula, i ku masiku o khata, kukhatani ka kuelula ka Sevhadha.

Levhi 23:10

Gela vanana va ka Israyeli u txi khawe: Ngako mi di wulete ka ditiko di ni no mi ninga, na ku di hokile mbimo yo elula, mi fanete kuya ningela ka mphaxeli nyanda yo khata ya si mi no elula;

Levhi 23:11

se mphaxeli a na ningela nyanda ka Mkoma, ka ditshiku di di londetako Sabbata, e maha masoni ka Mkoma mhamba yo ndiwitela ya mningelo, kasiku e mi katekisa.

Rute 2:6

Se dijaha dile di nga ti vekilwe kuthangela vaeluli, di to xamula di txi kha dona: Adiya ndihorana da ka Mowabhi, di nga wuya ni Nowemi ngu ditikoni ka Mowabhi.